हत्या गर्ने उद्येश्यले गोही प्रहार गरिएका स्लोभाकियाका प्रधानमन्त्री रोबर्ट फिकोको अवस्था खतरामुक्त रहेको जानकारी सार्वजनिक भएको छ । बुधबार एक सरकारी बैठक सकेर बाहिर निस्किँदै गर्दा प्रधानमन्त्री फिकोमाथि ह्यान्ड्लोभा गोली प्रहार भएका थियो ।
सन् २०१८ मा प्रधानमन्त्रीको पद छाडेका फिको गत सेप्टेम्बरमा भएको आम चुनावपछि सत्तामा फर्किएका थिए। उनका उपप्रधानमन्त्री एवम् वातावरणमन्त्री टोमस टराबाका अनुसार अहिले प्रधानमन्त्री फिको खतरामुक्त रहेका छन् ।
ज्यान मार्ने उद्येश्य सहित लगातार गोलि प्रहार गर्दा उनलाई ५ ठाउँमा गोली लागेको थियो । गोली प्रहार भएपछि गम्भीर अवस्थामा अस्पताल पु¥याइएको फिकोको स्वास्थ्य अवस्था अहिले खतरामुक्त रहनुका साथै बाँच्ने सम्भावना रहेको बताईएको छ ।
स्लोभाकियाका रक्षामन्त्री रोबर्ट कलिनकका अनुसार डाक्टरहरूले तीन घन्टा लगाएर प्रधानमन्त्री फिकोको शल्यक्रिया गरेका थिए ।
फिकोको पेटमा धेरै गोली लागेको थियो । अपरेशन अगाडि प्रधानमन्त्रीको अवस्था गम्भीर रहेको भएपनि अहिले स्वास्थ्य अवस्था स्थिर रहेको अन्तराष्टिय संचार माध्यमले जनाएका छन् ।
प्रधानमन्त्री फिकोमाथि गोली प्रहार गरेको आरोपमा बुधबार नै प्रहरीले एक पुरूषलाई पक्राउ गरिसकेको छ । अनुसन्धानमा रहेको ति व्यक्तीको नाम सार्वजनिक गरिसकेको छैन । यद्यपी प्रधानमन्त्री माथी गोली प्रहार गर्ने उनिबारे अनुसन्धान प्रकृया पनि कडा गरिने छ ।
तर स्थानीय सञ्चार माध्यमहरूले उनी ७१ वर्षका लेखक तथा राजनीतिक अभियन्ता रहेको बताएका छन्।
स्लोभाकियाका राष्ट्रपति जुजाना क्यापुटोभाले प्रधानमन्त्रीमाथि हमला लोकतन्त्रमाथिको आक्रमण भन्दै यस भयानक र नीच कामप्रति निन्दा व्यक्ती गरेकी छन् ।
