प्रधानमन्त्री केपी शर्मा ओली र नेपाली कांग्रेसका सभापति शेरबहादुर देउवाबीच भेटवार्ता भएको छ । सरकारका काम कारबाहीका विषयमा छलफल गर्न प्रधानमन्त्री ओली र कांग्रेसका सभापति देउवाबीच शनिबार दिउँसो प्रधानमन्त्री निवास बालुवाटारमा भेटवार्ता भएको हो ।
यसबारे प्रधानमन्त्री ओलीले आफ्नो सामाजिक संजाल फेसबुक मार्फत देउवा सहितको तस्विर सार्वजनिक गर्दै लेखेका छन् :- आज शनिबार १ नेपाली कांग्रेसका सभापति, पूर्व प्रधानमन्त्री, मेरा मित्र शेरबहादुर देउवाजीसँग कुराकानी भयो । केही जानकारी आदानप्रदान, केही राजनीतिक विमर्श भए । सरकारले गरिरहेका र गर्नु पर्ने कामका विषयमा पनि कुरा भए ।’
