हरेक बर्ष निर्वाचन केन्द्रित आपसी विवादमा रहँदै आएको गैर गैरआवासीय नेपाली संघ, राष्ट्रिय समन्वय परिषद् (एनसीसी अमेरिका) यस पटक पनि सदस्यता वितरण सुरु नहुँदै आन्तरिक मतभेदमा उत्रिएको छ ।
एनआरएनए अमेरिकाको असन्न निर्वाचन २०२५-०२७ का लागि सदस्यता वितरण खुल्ला गरिएको सुचना सार्वजनिक भए लगत्तै एनसीसी अध्यक्ष अर्जुन बञ्जाडेले यस निर्णयमा आफ्नो कुनै संलग्नता नरहेको भन्दै आफ्नो नाम सार्वजनिक सुचनाबाट हटाउन आग्रह गरेपछि पुन एनआरएनए अमेरिकका यो पटक पनि दुई खेमामा रहेको स्पष्ट भएको छ ।
एनआरएनए सचिवालयका नामबाट जारी सुचना सम्बन्धमा स्वयं अध्यक्षले आफुले यस कामका लागि स्वकृति नदिएको भन्दै, यस प्रकारको कार्य संस्थागत नियमको उल्लङ्घन अन्तरगत पर्ने बताएपछि सुचनालाई आधिकारिक मान्ने या नमान्ने भन्नेबारे यो पटक पनि अन्यौलता सृजना भएको छ ।
एनसीसी अध्यक्ष बञ्जाडेले सार्वजनिक सुचनामा गएर महासचिव रामहरी अधिकारीको नाम नै उल्लेख गरेर संस्थागत नितिप्रति ध्यानाकर्षण गराउँदै कृपया मेरो सहमति बिना मेरो नाम प्रयोग नगर्नुहोस् भनेपछि यतिबेला यस विषय एनआरएएनए संवद्ध अमेरिकाबासीका लागि चर्चा र चासोको विषयम बनेको छ । सचिवालयबाट सार्वजनिक भएको सुचना आधिकारिक नभएको जानकारी अध्यक्षले दिँदै महासचिवको नाम नै किटान गरेपछि एनआरएनए अमेरिका भित्र अध्यक्ष र महासचिव बिच बैचारिक मतभेद रहेको सार्वजनिक रुपमा स्पष्ट भएको छ ।
सदस्यता दर्ता संघको आफ्नै पोेर्टल मार्फत गर्न सकिने व्यवस्था गरिएको बताउँदै अनलाईन लिंक पनि सार्वजनिक गरेको एनसिसि सचिवालयले सदस्यता प्रमाणीकरण प्रक्रिया संचालन सदस्यहरुको नाम पदिय रुपमा सार्वजनिक गरेको थियो । जसमा अध्यक्ष डा. अर्जुन बञ्जाडेको नाम शिर्ष स्थानमा छ भने युवा संयोजक तेज पौडेल, बोर्ड अफ डाइरेक्टर दुर्गा तिवारी, बोर्ड अफ डाइरेक्टर लक्ष्मण दर्लामी र जर्जिया च्याप्टर अध्यक्ष, कपिल शरण वाग्लेको नाम सदस्यता प्रमाणीकरण समुहमा उल्लेख छ ।
प्रमाणीकरण तथा अनुगमन समिति औपचारिक रूपमा गठन नभएसम्मका लागि लागू हुने भन्दै सार्वजनिक उक्त सुचनामा दर्ता प्रक्रिया सहज र जानकारीमूलक बनाउन आवश्यक भिडियो सामग्री पनि उपलब्ध गराइएको छ । सदस्यताका लागि अनलाईन फारमको लिंक सार्वजनिक सो सुचनामा थप जानकारीको लागि सचिवालयमा प्रत्यक्ष सम्पर्क गर्न सकिने समेत उल्लेख छ ।
आफू पनि सदस्य बनौं, अरूलाई पनि सदस्य बन्न प्रेरित गरौं१ भन्ने नारा सहित सदस्यता वितरण खुल्ला भएको जानकारी गराएको सचिवालयको सुचना नै अध्यक्षले सार्वजनिक रुपमा अनाधिकारिक भनेपछि खुल्ला गरिएका सदस्यता वितरण अनलाईन लिंकका पाना समेत खालि रहेका छन् । यसरी हरेक बर्ष निर्वाचनको चहलपहल नै विवादित छविबाट हुनु समग्र गैर आवासिय नेपालीको विश्वासमाथिको सवाल हो । आन्तरिक असन्तुष्टि र बैचारिक मतभेदबारे संस्थागत छलफलबाट समाधान गरेपछि मात्र यस प्रकारका सुचना सार्वजनिक गर्न सकेको भए अध्यक्ष र महासचिवको सम्बन्ध पनि सामाजिक संजालमा पोखिने मौका पाउने थिएन भने पुराना सदस्य तथा नयाँ सदस्यताको तयारीमा रहेका नेपालीहरु माझ पनि अन्यौलताको वातावरण बन्न पाउने थिएन ।
