लस एन्जल्स, क्यालिफोर्निया
क्यालिफोर्नियाको लस एन्जल्स शहरमा बसोवास गर्ने नेपाली समुदायले आज भब्य कार्यक्रमको आयोजना गरि नेपाल महोत्सब सम्पन्न गरेका छन ।
प्रवासमा नेपाल र नेपाली सँस्कृतिलाई चिनाउने उद्देश्यले आयोजना गरिएको नेपाल उत्सव कार्यक्रममा सयौ प्रवासी नेपालीहरुको सहभागिता रहेको थियो ।
नेपाली पहिचान झल्किने गरि विविध भेषभुषा तथा सँस्कृति झल्किने पोशाकमा १९ माईल परेड गरिएको आयोजक सँस्था हामी नेपाली ग्लोवलका उपाध्यक्ष टेक वाईवा लामाले जानकारी दिनुभयो ।
उपाध्यक्ष लामाका अनुसार नेपाल डे परेड कार्यक्रममा लोक तथा पन्चे वाजा, कुमारी, राधाकृष्ण, पन्चकन्या तथा नेपाली परिकारको रुपमा मो.मो तथा चाउमिन प्रमुख आकर्षणको रुपमा रहेका थिए । कार्यक्रममा लस एन्जल्स शहरका अतिरिक्त आसपासका क्षेत्रबाट पनि नेपाली समुदायको उल्लेख्य सहभागिता रहेको हामी नेपाली ग्लोबलले जनाएको छ ।
कार्यक्रममा नेपालको ऐतिहासिक, धार्मिक तथा पर्यटकीय स्थल झल्किने बिभिन्न फोटो पनि प्रर्दशन गरिएको थियो ।
यो अमेरिकामा नेपाल चिनाउने कार्यक्रम हो । नेपाल महोत्सब कार्यक्रमपछि नेपालको पर्यटन प्रवद्र्धन भई नेपाली उत्पादनको विश्व बजारिकरण गर्नमा टेवा पुग्ने क्यालिफोर्निया स्थित नेपाली समुदायले अपेक्षा गरिएको छ ।
तपाईको प्रतिक्रिया के छ?
