टेक्सास, अमेरिका
नेपाल अमेरिका पत्रकार सँघ (नेजा) का अध्यक्ष सुरज भण्डारीले नेजालाई नेपाली समुदायको अभिन्न अङ्गका रुपमा स्थापित गर्ने बताउनु भएको छ ।
रिपोटर्स क्लब अमेरिकाद्वारा आज टेक्सासको युलेशमा आयोजना गरिएको बधाई तथा शुभकामना कार्यक्रममा बोल्दै अध्यक्ष भण्डारीले अमेरिकामा नेपाली पत्रकारहरुले नेपाली समुदायको लागि पत्रकारिता गर्ने भएकाले समुदाय र पत्रकारका बिचमा सुमधुर सम्बन्ध स्थापित हुनु पर्ने कुरामा जोड दिनु भयो ।
क्लबका अध्यक्ष किशन रेग्मीको अध्यक्षता तथा महासचिब ओम आचार्यको सन्चालनमा सम्पन्न उक्त साक्षात्कार कार्यक्रममा अध्यक्ष भण्डारीले नेजाका अग्रज पत्रकारहरु तथा नेपाली समुदायका अगुवाहरुको सल्लाह सुझाव अनुसार सँस्थालाई नेपाली समुदायको भरपर्दो र बिश्वासिलो बनाउन प्रयास गरिने बताउनु भयो ।
यसैगरि नेजाका महासचिब बावुराम दाहालले नेपाली भाषी पत्रकारहरु र नेपाली समुदायका सँस्थाहरुको लक्षित बर्ग नेपाली समुदाय नै भएकाले एक आपसमा थप प्रभावकारी समन्वयको खाँचो औंल्याउनु भयो ।
उक्त कार्यक्रममा नेजाका क्षेत्रीय सँयोजक शँकर थापा, नेपाली समाजका बिजय भुषाल, सामाजिक अभियन्ता मधुर खरेल, पत्रकार हरि सुबेदी लगायतका बक्ताहरुले बधाई तथा शुभकामना व्यक्त गर्नु भएको थियो ।
कार्यक्रममा युएस खवर अनलाईको तर्फबाट अतिथीहरुलाई मायाको चिनो प्रदान गरिएको थियो ।