गायक गोपाल नेपाल जीएमको नयाँ गीत घरबारे हौ कि सार्वजनिक भएको छ । गायक जीएम र संगीता चौधरीको युगल आवाजमा रहेको यस गीत भिडियो सहित सार्वजनिक भएको हो ।
प्रसान्त ढकाल र गायक जीएमको शब्दमा तयार भएको गीतमा गोपाल जीएमको नै संगीत रहेको छ । माया प्रितीको भाव समिश्रण यस गीतमाथी बनेको भिडियोलाई राजकुमार मगरले निर्देशन गरेका हुन् । डान्सिगं विटमा तयार भएको गीतको भिडियोमा प्रसान्त ढकाल, स्मारिका ढकाल र गायक स्वयंको अभिनय देख्न सकिन्छ । प्रकाश खड्काको छायाँकन र निर्देशक मगर स्वयंको सम्पादन रहेको गीतको भिडियो राजकुमार फिल्मस्को पोष्ट प्रोडक्सनमा बजारमा आएको हो ।
‘घरबारे हौ की’ गीतका गीतकार तथा मोडल प्रसान्त ढकाल हाल अमेरिकामा छन् । अमेरिकाको टेक्सासलाई कर्मक्षेत्र बनाएर नेपाली गीत संगीतमा योगदान पुर्याउँदै आएका ढकाल अभिनित यस गीतमाथी सकारात्मक प्रतिकृयाहरु आईरहेका छन् ।
