कुवेतका अमिर शेख मिशल अल–अहमद अल–सबाहले संसद विघटन गर्नुका साथै संविधानका केही धाराहरू निलम्बन समेत गरेका छन् । अमिर अल–सबाहले गएराति टेलिभिजन सम्बोधन मार्फत् संसद् भङ्ग गर्दै संविधान निलम्बन गरेको घोषणा गरेका हुन् ।
अप्रिल १५ तारिखका दिन शेख अहमद अब्दुल्लाह अल अहमद अल सबालाई प्रधानमन्त्री नियुक्त गरी नयाँ सरकार गठनको आह्वान गरेका अमिर अल–सबाहले लोकतान्त्रिक प्रक्रियाका सबै पक्षको अध्ययन गरी चार वर्षभन्दा धेरै अवधिका लागि संविधानका केही धारा निलम्बनको घोषणा गरेका हुन् ।
पछिल्लो समय समय कठिन राजनीतिक अवस्थाबाट गुज्रिरहेको कुवेत हालै चुनाव भएयता निर्वाचित संसद र नियुक्त प्रधानमन्त्रीबीचको तनावले सरकार गठन ठप्प भएको छ ।
संसद विघटन गर्नुका साथै संविधानका केही धाराहरू निलम्बनको घोषणा गरेका अमिर अल–सबाहले आफुले देश बचाउन यस प्रकारको कठोर निर्णय लिएको पनि बचाएका छन् ।
