गायक नबराज सिबभक्तिको गीत पिरतीको चलन सार्वजनिक भएको छ । गीतकार शितल कादम्विनीको शब्द तथा रविन्द्र लामिछानेको संगीत रहेको सिबभक्तिको ‘पिरतीको चलन’ युटुव च्यानल मार्फत भिडियो सहित सार्वजनिक भएको हो ।
पवन रानाभाटको संगीत संयोजन रहेको गीतको भिडियोमा नविनराज सिबभक्ति र सुरक्षा ईतानीको अभिनय रहेको छ । ग्रामिण परिवेशको प्रेम कथालाई कलात्मक रुपमा चित्रण गरिएको भिडियोमा नविनराजलाई वडा अध्यक्ष र सुरक्षालाई स्वास्थ्यकर्मीका रुपमा देख्न सकिन्छ ।
गाउँको विकासका लागि क्रियाशिल एक युवा वडा अध्यक्षको उमेद्वार बनेर गाउँलेहरुसंग सुझाव र भोट माग्दै हिँडेका समय एक विरामी आमाको स्वास्थ्य परिक्षणका लागि आएकी युवती विचको प्रेमकथाबाट सुरु भएको दृश्य युवा वडा अध्यक्ष निर्वाचित भएपछि युवतीले पूर्ण रुपमा प्रेम प्रस्थाव स्वकारे पछिको संयोगात्मक दृश्यमा अन्त्य भएको छ । शालिन शैलीको प्रेम अभिव्यक्त भिडियोमा कैद परिभेष र पहिरनले अर्गानिक स्वाद पस्केको छ । उसो त यस गीतको अडियो समेतले नेपाली संगीतको स्वर्णिम कालखण्डको रंग प्रस्तुत गरेको छ । गीतको शब्द, संगीत र गायन पक्षलाई हेर्दा पिरतीको चलन युनिटले अग्रज स्रष्टा र सृजनाको झल्को अडियो \ भिडियो दुवै मार्फत दिएका छन् ।
सुरेन्द्र मल्ल ठकुरीको निर्देशनमा निर्माण भएको भिडियोलाई चक्र बहादुर बरालको छायाँकन तथा टेकेन्द्र शाहले सम्पादन गरेका हुन् ।
