नेपालका लागि अमेरिकी राजदूत डिन आर थम्पसन सहितको टोलीले लुम्बिनीको मदरसा फातेमतुज्जजहरा कलेजका विद्यार्थीहरुसंग भेटघाट गरेका छन् । राजदुत थम्सन,USAID नेपालका कार्यवाहक डेपुटी मिसन निर्देशक बेथ होगन र प्रवक्ता जेहरा नक्भी सहितको टिमले लुम्बिनी पुगेर मदरसा फातेमतुज्जजहरा कलेजका विद्यार्थीहरुसंग प्रत्यक्ष भेटघाट सहित अवस्था र आवश्यकताबारे जानकारी लिएका हुन् ।
मदरसा फातेमतुज्जजहरा कलेजमा केही मुस्लिम शिक्षक र विद्यार्थीहरूसँग कुराकानी गरेका राजदूतले विद्यार्थीहरूसँग आफ्नो अध्ययनमा कसरी ध्यान केन्द्रित गर्ने, जीवनभरको सिकाइ र आफ्नो जिज्ञासा कायम राख्ने महत्वबारे कुराकानी भएको बताईएको छ ।
यस विषयमा दुतावासले सार्वजनिक गरेको जानकारीमा उल्लेख भए अनुसार भेटका क्रममा विद्यार्थीहरूले आफ्नो भविष्यको लागि आफ्नो आशाहरू प्रस्तुत गर्नुका साथै सफल हुन के आवश्यक छ, अमेरिकाको शैक्षिक प्रणाली, र अमेरिकामा कुनै मदरसाहरू छन् कि भन्ने जिज्ञासा राखेका थिए ।
दूतावासको टोलीले भैरहवास्थित अमेरिकी कर्नर लगायत अमेरिकी दूतावासले उपलब्ध गराउने स्थानीय स्रोत साधन र अवसरका बारेमा पनि महत्वपूर्ण जानकारी प्रदान गरेको थिए ।
