पश्चिम बंगालका तीन जिल्लामा अचानक आएको हावाहुरी र वर्षाका क्रममा चट्याङ लागेर लागेर १३ जनाको मृत्यु भएको छ । पश्चिम बंगालका माल्दा, मुर्शीदाबाद र जलपाईगुडीमा परेको चट्याङका कारण १३ जनाको मृत्यु भएको हो ।
बालबालिका देखी बृद्ध बृद्धा सम्मको मृत्यु भएको यस प्राकृतिक प्रकोपबाट सबै भन्दा धेरै मानविय क्षती माल्दामा भएको छ । माल्दामा ११ जनाको मृत्यु भएको छ भने मुर्शिदाबाद र जलपाईगुडीमा एक(एक जनाको मृत्यु भएको छ।
पश्चिम बङ्गालकी मुख्यमन्त्री ममता बनर्जीले यस घटनाप्रति दुःख व्यक्त गर्दै सामाजिक सञ्जालमार्फत चट्याङबाट ज्यान गुमाएकाका परिवारप्रति समवेदना तथा घाइतेहरुको शीघ्र स्वास्थ्यलाभको कामना गरेकी छन् । पीडित परिवारलाई दुई लाख रुपैयाँ क्षतिपूर्ति दिइने बताइएको घटनाका घाइतेको उपचार र ज्यान गुमाएकाको परिवारलाई जिल्ला प्रशासनले पनि निरन्तर सहयोग गरिरहेको छ ।
