प्रधानमन्त्री पुष्पकमल दाहाल ुप्रचण्डु ले प्रमुख प्रतिपक्षी नेपाली कांग्रेसका नेताहरूलाई छलफलमा बोलाएका छन् । संसदीय समिति गठनका विषयमा छलफल गर्न प्रधानमन्त्रीले दाहालले आज साँझ ६ बजे कांग्रेसका नेताहरूलाई छलफलमा बोलाएका हुन् ।
कांग्रेस महामन्त्री गगन थापाका अनुसार संसदीय समिति गठनका विषयमा छलफल गर्न प्रधानमन्त्रीले छलफलका लागि बोलाएका हुन् । महामन्त्री थापाले आफुहरु छलफलमा सहभागि हुने जानकारी पनि दिएका छन् ।
कांग्रेस सभापति शेरबहादुर देउवाले पनि शुक्रबार विपक्षी दलका नेताहरूसँग छलफल गरेका छन् । सहकारी प्रकरणमा उपप्रधान तथा गृहमन्त्री रवि लामिछाने जोडिएको भन्दै संसदीय छानबिन समिति गठनको माग गर्दै आएको कांग्रेसको उक्त मागमा राप्रपा, जसपा नेपाल, लोसपा लगायत दलले पनि समर्थन जनाएका छन्।
