गैरआवासीय नेपाली संघ, राष्ट्रिय समन्वय परिषद अमेरिकाले एनआरएनए एनसीसी यूएसए कप २०२४ को आयोजना गर्ने भएको छ । एनआरएनए अमेरिकाले प्रेरी भ्यू क्रिकेट कम्प्लेक्स र र क्रिकेट एशोसियशन अफ नेपालसंगको समन्वयमा टि ट्वान्टि सिरिज अन्तरगत आगामी मे २२ तारिकाबाट यूएसए कप २०२४ सुरु हुने भएको हो ।
नेपालको राष्ट्रिय क्रिकेट टिम र ह्युस्टन हरिकेन्स ९वर्तमान संयुक्त राज्य अमेरिका माइनर लीग फ्रान्चाइज टीम० संगको सहकार्यमा आयोजना हुन लागेको यस दुई दिने क्रिकेट प्रतियोगिता टेक्सासको ह्युस्टन शहर स्थित प्रेरी भ्यू क्रिकेट कम्प्लेक्समा आयोजना हुनेछ ।
नेपालको राष्ट्रिय टिमलाई प्रोत्साहन प्रदान गर्ने उद्देश्यका साथ २०२२ बाट सुरु भएको यस प्रतियोगिता मे २३ तारिकका दिन समापन हुनेछ । यस विषयमा एनआरएनए अमेरिकाका महासचिव रामहरी अधिकारीद्वारा सार्वजनिक विज्ञप्तिमा उल्लेख भए अनुसार मातृभूमि नेपाललाइ हरेक क्षेत्रबाट सहयोग पुर्याउने हेतु यस प्रतियोगिता आयोजना हुँदै आएको हो । महासचिव अधिकारीले प्रतियोगितामा उपस्थित भई नेपाली राष्ट्रिय क्रिकेट खेलाडीहरु लाई आगामी टि २० विश्व कपको लागि हौसला प्रदान गरिदिनका लागि पनि टेक्सासबासी नेपाली समुदायलाई अनुरोध गरेका छन् ।
प्रतियोगिताको लागि डोनेशन गर्न इच्छुकहरुका लागि गुगल लिंक समेत सार्वजनिक गरेको एनसीसी अमेरिकाले कार्यक्रममा सहकार्यमूलक सहयोग गरेका टेक्सास च्याप्टर, साथी बाल्टिमोर , युथ स्टुडेण्ट कमिटी लगायतमा पनि धन्यवाद ज्ञापन गरेको सस्थाका कोषाध्यक्ष सरोज सिग्देलले जानकारी दिएका छन् ।
प्रतियोगिताको लागि डोनेशन गर्न इच्छुकहरुले तलको लिंकमा क्लिक गर्नुहोस् ।
प्रतियोगिताको लागि डोनेशन गर्न इच्छुकहरुले तलको लिंकमा क्लिक गर्नुहोस् ।
