अमेरिकाको न्यूयोर्कको राजधानी अल्वानीमा पहिलो पटक मनाउन लागिएको नेपाली कम्युनिटी डेको तयारी पुरा भएको छ । अल्बानी शहर स्थित विधायक कार्यालयमा यहि मे २८ तारिक मंगलवारका दिन आयोजना हुँदै गरेको “नेपाली कम्यूनिटी डे ईन अल्बानी” को मिती नजिकिदैं गर्दा कार्यक्रम संवद्ध तयारी पनि पुरा भएको हो ।
न्यूयोर्क राज्यका बिधानसभा सदस्य माननीय स्टेभन रागाको कार्यालय र नेपाली महाबाणिज्य दुतावासको कार्यालय न्युयोर्कको संयुक्त आयोजनामा हुन लागेको यस कार्यक्रम अल्बानी र न्युयोर्कमा रहेका ३३ वटा नेपाली संघ- संस्थाहरुको संयुक्त सहकार्यमा आयोजना हुन लागेको हो ।
एएपिआई हेरिटज मन्थको सम्मानार्थ आयोजना हुँदै गरेको नेपाली कम्युनिटी डे कार्यक्रमको मुख्य प्रायोजक न्यूयोर्क राज्यका बिधानसभा सदस्य माननीय स्टेभन रागाको कार्यालय रहेको छ भने बिंधानसभा सदस्यद्वय सराहना श्रेष्ठ र जेनिफ़र राजकुमारको सह-प्रायोजन रहेको छ ।
स्थानिय सरोकारवाला प्रतिनिधीहरुको बृहत सहभागिता सहित पहिलो पटक अल्वानी क्षेत्रमा नेपाली सामुदायिक दिवस मनाईन लागिएको हो । जसबारे केही यस अघि पत्रकार सम्मेलन मार्फत जानकारी समेत दिईएको थियो ।
