अमेरिकामा स्थापित नेपाली संस्था नेपाली समाज टेक्सास एनएसटीको ग्लोवल नेपाली पाठशालाले समर क्याम्पको आयोजना गर्ने भएको छ । नेपाली भाषा पाठशालालाई विश्वव्यापिकरण गर्ने उदेश्य अनुरुप स्थापित ग्लोवल नेपाली पाठशालाले आउँदो जुलाई १५ तारिकबाट जुलाई २८ तारिक सम्म समर क्याम्पको आयोजना गर्ने भएको हो ।
समर क्याम्पमा सहभागि हुने बालबालिका तथा किशोर किशोरीका लागि दुई चरणमा समय विभाजन गरिएको छ । अर्थात ५ बर्ष देखी ७ बर्ष उमेर समुहका बालकालिका जुलाई १५ तारिकबाट जुलाई २१ तारिकसम्म समर क्याम्पका सहभागी हुन सक्नेछन् भने ८ बर्ष देखी १४ बर्ष उमेर समुहका बालबालिकाका लागि जुलाई २२ तारिकबाट जुलाई २८ तारिकसम्म समर क्याम्प चल्नेछ ।
२ साता लामो यस समर क्याम्पमा आध्यात्मिक जागरण र प्रेरणा सत्र, योग तथा ध्यान कक्षा, विश्वव्यापी पाठशाला लोगो प्रतियोगिता, नेपालको परम्परागत चित्रकला र दृश्यकला, नेपाली नाटक प्रदर्शन, चिकित्सा आकस्मिक सचेतना कार्यशाला,मित्रता र आत्मविश्वास निर्माणका गतिविधि, वित्तीय कल्याण प्रारम्भिक बचत र कलेज कोष रणनीतिहरू लगायतका बहु उपयोगी कार्यक्रमहरु रहने छन् ।
बिहानको खाजा र दिउँसोको खाना उपलब्ध गराइनेछ यस समर क्याम्पका बारेमा आवश्यक जानकारी र सहभागिताका लागि एनएसटी अध्यक्ष राजेन्द्र वाग्ले, महासचिव विजय भुषाल लगायतका पदाधिकारी तथा सदस्यहरुको सम्पर्क नम्बर समेत सार्वजनिक गरिएको छ ।
