गैर आवासिय नेपाली संघ (एनआरएनए) अमेरिकाले टि २० विश्वकपको प्रतिस्पर्धामा रहेका नेपाली खेलाडीको स्वागतमा रात्रिभोजको आयोजनम गर्ने भएको छ । विश्वकप छनौटमा परि अमेरिका आएका नेपाली खेलाडीको स्वागतमा एनआरएनए अमेरिकाले शनिबार साँझ टेक्सासको ड्यालसमा रात्रिभोजको आयोजना भर्ने भएको हो ।
यहि जुन ४ तारिकका दिन विश्वकपको पहिलो प्रतिस्पर्धाका रुपमा टेक्सासको खेल मैदानमा उत्रदैं गरेको नेपाली टिमको स्वागतमा आयोजना हुँदै गरेको रात्रीभोजमा नेपाली खेलाडी टिमका सदस्यहरु बाहेक सम्बन्धित सरोकारबाला व्यक्तीहरुको मात्र सहभागिता रहने बुझिएको छ ।
जुन ४ तारिक पहिलो प्रतिस्पर्धाका रुपमा ड्यालसको ग्रान्ड प्रियरी मैदानमा उत्रदैं गरेको नेपाली टिमलाई बधाई तथा शुभकामना प्रदान हेतु पनि यो कार्यक्रम आयोजना गर्न लागिएको हो । एनआरएनए अमेरिकाले रात्रिभोज कार्यक्रममा सहभागी नेपाली क्रिकेटरहरुलाई प्रोत्साहन स्वरुप क्रिकेट खेल सामग्री उपहारका रुपमा प्रदान गर्दैछ ।
जुन १ देखि २९ सम्म अमेरिका र वेस्ट इन्डिजमा हुने टी-२० विश्वकपका लागि नेपाली टिमका तर्फबाट विश्वकप खेल्न रोहितकुमार पौडेलको कप्तानीमा आसिफ शेख, अनिल साह, कुशल भुर्तेल, कुशल मल्ल, दीपेन्द्रसिंह ऐरी, ललित राजवंशी, करण केसी, गुलसन झा, सोमपाल कामी, प्रतिश जीसी, सन्दीप जोरा, अविनाश बोहरा, सागर ढकाल र कमलसिंह ऐरी रहेका छन् ।
टी-२० विश्वकपमा नेपाल समुह डी मा रहेको छ । यस समुहमा नेपालसहित दक्षिण अफ्रिका, बंगलादेश, श्रीलंका र नेदरल्याण्डस रहेका छन् । विश्वकपमा नेपालले पहिलो खेल जुन ४ मा नेदरल्याण्डससँग, जुन ११ मा श्रीलंकासँग, जुन १४ मा दक्षिण अफ्रिकासँग र जुन १६ मा बंगलादेशसँग खेल्ने तालिका रहेको छ ।
