नेकपा (एमाले)का उप महासचिव तथा पुर्व परराष्ट्र मन्त्री प्रदिप ज्ञवालीले न्यूयोर्कमा रहेका एमाले संवद्ध व्यक्तीहरुसंग भेटघाट तथा अन्तरक्रिया गरेका छन् । प्रवासी नेपाली मञ्च (ओएनएफ) अमेरिकाको न्यूयोर्क राज्य कमिटीद्वारा मे ३१ तरिकका दिन आयोजित अन्तरक्रियात्मक कार्यक्रममा एमाले नेता ज्ञवालीले एमाले निकट व्यक्तीहरुसंग अन्तरक्रियात्मक छलफल गरेका हुन् ।
नेता ज्ञवालीको प्रमुख आतिथ्यतामा आयोजित कार्यक्रम ‘नागरिकताको निरन्तरता र प्रवासवाट मतदान’ विषय केन्द्रित रहेको थियो । प्रवासी नेपाली मञ्चका अन्तर्राष्ट्रिय कमिटीका अध्यक्ष सञ्जय थापा सहितका मञ्चका पदाधिकारी तथा सदस्यहरुको बाग्लो उपस्थिती रहेको थियो । पछिल्लो समय प्रवासी समुदाय र मुलत अमेरिकाको नेपाली समुदायमाझ शिर्ष चासो र चर्चाको विषय बन्दै आएको नेपाली नागरिकताको निरन्तरता र मताधिकारका विषयमा नेता ज्ञवालीसंग सहभागीहरुले जिज्ञासा राखेका थिए ।
यतिबेला अमेरिकामा रहेका नेता ज्ञवाली यस अघि क्यालिफोर्नियाको लस एन्जलसमा सम्पन्न ओएनएफको दोस्रो साधारण सभामा पनि सहभागी थिए । सभाले ७ बुँदे लसएन्जलस घोषणा पत्र पनि जारी गरेको छ ।
