टि २० विश्वकपका लागि नेपालको पहिलो खेल सुरु हुन केही बेर मात्र बाँकी छ । आज जुन ४ तारिक अर्थात टि २० विश्वकपका लागि नेपालको पहिलो प्रतिस्पर्धात्मक खेलका लागि ठुलो संख्यामा नेपाली दर्शक सहभागिता खेल मैदानतर्फ प्रवेश गरेको छ ।
टेक्सासको ग्रान्ड प्रियरी मैदानमा नेदरल्याण्डसंग प्रतिस्पर्धामा उत्रदै गरेको नेपाली खेलाडीको सम्मान र हौसलामा पञ्चेवाजा सहित कार र्यालीमा निस्केका नेपाली समुदायका विभिन्न उमेर समुहका खेलप्रेमी दर्शक नेपाली जर्सी र नेपाली टोपी सहित पहिचानको यस यात्रामा खेलाडीसंगै सहभागी भएको दृश्य लोभलाग्दो देखिन्छ ।
टेक्सासको समय अनुसार आज विहान १० बजेर ३० मिनेटमा सुरु हुने खेलका लागि आज विहानैबाट टेक्सासको पशुपतिनाथ तथा बौद्ध विहार मन्दिरमा खेलप्रेमि तथा सरोकारवालाहरुको उपस्थिती सुरु भएको थियो । खेलाडीहरुको हौसला र जीतको लागि कामना सहित आजको खेल हेर्न ग्रान्ड प्रियरी मैदानमा जाँदै गरेका दर्शकहरु नेपाली मन्दिरमा भेला भएर स्टेडियम प्रस्थानका गरेका हुन् ।
नेपालको पहिलो खेल नै टेक्सासबाट हुने भएपछि सर्व बाहुल्य नेपाली राज्य टेक्सासका नेपाली समुदायका लागि यो खेल उत्सवका रुपमा देखिएको छ । त्यसैले पनि यस खेलमा नेपालीहरुको संख्यात्मक सहभागिता उत्साहजनक देखिने निश्चित छ । त्यसैले पनि सामुहिक रुपमा एकसाथ दर्शकहरु खेल मैदान जाने तयारीमा छन् ।
टी(२० विश्वकपमा नेपाल समुह डी मा रहेको छ । यस समुहमा नेपालसहित दक्षिण अफ्रिका, बंगलादेश, श्रीलंका र नेदरल्याण्डस रहेका छन् । विश्वकपमा नेपालले पहिलो खेल जुन ४ मा नेदरल्याण्डससँग, जुन ११ मा श्रीलंकासँग, जुन १४ मा दक्षिण अफ्रिकासँग र जुन १६ मा बंगलादेशसँग खेल्ने तालिका रहेको छ ।
