प्रतिनिधि सभाको कृषि, सहकारी तथा प्राकृतिक स्रोत समितिले गृहमन्त्री रवि लामिछाने सहित सहित ४ मन्त्रीलाई शुक्रबार बैठकमा बोलाएको छ । समितीले
गाँजा खेतीबारे छलफल गर्न उपप्रधानमन्त्री तथा गृहमन्त्री लामिछाने, अर्थमन्त्री वर्षमान पुन, कृषि तथा पशुपंक्षी विकासमन्त्री ज्वाला कुमारी साह र शिक्षा विज्ञान तथा प्रविधि मन्त्री सुमना श्रेष्ठलाई छलफलका लागि बोलाएको हो ।
कांग्रेस सांसद आरजु राणा सभापति रहेको यस समितीले गृहमन्त्री लामिछाने सहितका मन्त्रीहरुसंग गाँजा खेति संबद्ध बैचारिक छलफल गर्ने कार्यक्रम रहेको छ ।
शुक्रबार बिहान ११ बजेका लागि बोलाइएको समितिको बैठक सिंहदरबारस्थित कृषि समितिकै सभाकक्षमा हुने छ । छलफलमा मन्त्रालयका सचिव कानुन, न्याय तथा संसदीय मामिला, उद्योग, वाणिज्य तथा आपूर्ति, स्वास्थ्य तथा जनसंख्या मन्त्रालयका सचिव एवं विज्ञ सरोकारवाला समेतको उपस्थिती रहने छ ।
यस अघि नै सरकारले आगामी आर्थिक बर्षको बजेटमा औषधीय प्रयोगका लागि गाँजाको व्यवसायिक उत्पादन गर्न कानुनी व्यवस्था मिलाएको घोषणा गर्नुका साथै यस विषय विषय बजेटमा आए पनि विभिन्न मतभेदका कारण कार्यान्वयनमा आउन सकेको छैन ।
