गायिका सदिक्षा कट्टेलको नयाँ गीत खुर्सानीलाई वियाँ सार्वजनिक भएको छ । गीतकार राजेन्द्र थापाको शब्द तथा राजनराज सिवाकोटीको संगीत रहेको ‘खुर्सानीलाई बियाँ’गायिका सदिक्षा र संगीतकार राजनराज स्वयंको युगल आवाजमा भिडियो सहित सार्वजनिक भएको हो ।
नेपाली लोक रंगमा रहेर सालिन मौलिकता प्रस्तुत गरेको यस गीतको शब्द संगीत सुनि आएका अन्य फ्लेवरका गीतहरु भन्दा पृथक रहेको छ । जसमा चर्चित म्यूजिक भिडियो निर्देशक प्रसन्न पौडेल र प्रचण्ड पौडेलको निर्देशन रहेको छ । सफल निर्देशकिय छवि बनाएका र चलचित्र समेत निर्देशन गरिसकेका पौडेलले यस गीतमा पनि सरल कथालाई कलात्मक रुपमा चित्रण गरेका छन् । ग्रामिण सौन्दर्य र आधुनिक मानसिकतालाई फ्युजन गरेर आकर्षक ढंगले निर्देशन गरिएको यस भिडियोमा यसराज गराज, स्मारिका ढकाल, अनिशा न्यौपाने र सरोज प्रजाको अभिनय रहेको छ ।
युमि बलामीको कोरियोग्राफी र तथा निस्चल पौडेलको छायाँकनमा निर्माण भएको भिडियोलाई राजु जंग बस्नेतले सम्पादन गरेका हुन् ।
नेपाल आईडल सिजन ३ बाट चर्चामा आएकी गायिका सदिक्षा कट्टेल नेपाली साँगीतिक क्षेत्रमा ठुलो संभावना बोकेकी गायिका हुन् । जसको गायन क्षमता अग्रज संगीतकर्मीको नजरमा पर्न सफल छ । जस कारण थोरै गीतहरु गाएपनि उनका राम्रा संगीतप्रेमी फ्यानहरु रहेका छन् ।
