डालस-फोर्टवर्थमा १७ बर्ष अघि नेपालीहरुद्वारा स्थापित तथा संचालित सामाजिक संस्था डेभलपमेन्ट फर पिस इन्टरनेसनलले टेक्सास तथा नेपालमा अप्ठ्यारोमा परेका व्यक्तिहरुलाई निरन्तर सहयोग गर्दै आएको छ । यस संस्थाले नेपालमा असहाय बालबालिकाहरुलाई पढन र ग्रामिण बिपन्न महिलाहरुलाई आर्थिक रुपमा सशक्तिकरण गर्न कार्यक्रमहरु संचालन गर्दै आएको छ । यी परोपकारी कामहरुमा डेभलपमेन्ट फर पिस इन्टरनेसनलले डालस-फोर्टवर्थमा नेपालीहरुद्वारा संचालित संस्थाहरुका साथै मनकारी नेपाली तथा अन्य व्यक्तिहरुबाट सदैब साथ- समर्थन पाइरहेको छ । यसको लागि डेभलपमेन्ट फर पिस इन्टरनेसनल यहाँहरु सवैमा आभार प्रकट गर्दछ ।
डेभलपमेन्ट फर पिस इन्टरनेसनलले आफ्नो कोष अभिवृद्धिको लागि आउँदो शुक्रवार साँझ अर्थात् जुन १४, २०२४ मा युलेसको सफायर ब्यान्केट हलमा साँझ ६ बजे देखि १० बजे सम्म नेपालका चर्चित गायक-गायिकाहरुको सहभागितामा “हिमालयन कल्चरल नाइट” गर्दैछ । साथै त्यहि ब्यान्केट हलमा बिहान ११ बजे देखि ४ बजे सम्म लामो समय देखि ग्यास स्टेसनको निर्माण देखि अन्य कार्य गरिरहेको नेपाली व्यवसायीको संस्था सि.आर सलुसन्सले ग्यास स्टेसन सम्बन्धि ट्रेड सो / व्यापार मेला आयोजन गरेको छ । यस ट्रेड शो मा डालस, अस्टिन लगायत अन्य शहरका ग्यास स्टेसनहरु र अमेरिकाका प्रख्यात ग्यास स्टेसनका कामहरुसँग सम्बन्धित व्यवसायी संस्थाहरुको स्टल रहनेछ । यो हामी नेपालीहरुको लागि गौरवको बिषय हो । ट्रेड सो मा स्वादिष्ट खानाहरुको साथै राफल चिट्ठाहरु पनि समावेस गरिएको छ । ग्यास स्टेसनसंग सम्बन्धित तथा भविष्यमा ग्यास स्टेसन राख्ने विचार गर्नु भएका सवैलाई यस सम्बन्धि थप जानकारी पाउन यो ट्रेड सो हेर्न आउन बिशेष अनुरोध छ । यस ट्रेड सो मार्फत सि. आर. सलुसन्सले आफ्नो सामाजिक/ परोपकारी दायित्व महसुस गर्दै डेभलपमेन्ट फर पिस इन्टरनेसनललाई कोष अभिवृद्धि गर्ने काममा भौतिक तथा आर्थिक सहयोग गर्ने प्रतिवद्धता जनाएको छ ।
डालस-फोर्टवर्थका ग्यास स्टेसनसंग सम्बन्धित सवै नेपालीहरुलाई ट्रेड सो अर्थात् व्यापार मेला हेर्न बिशेष अनुरोध छ । यस बाट नेपाली व्यवसायी संस्थालाई तपाईंहरुबाट हौसला प्राप्त हुने त छँदै छ, यसवाट परोपकारी संस्थालाई सहयोग पनि गर्नु हुनेछ । बेलुकाको मनोरन्जनात्मक साँस्कृतिक कार्यक्रम एउटा ऎतिहासिक कार्यक्रम हुँदैछ । बिभिन् फरक फरक धारका गायक- गायिकाहरुले तपाईं हामीलाई लोकगीत देखि लिएर अत्याधुनिक गीतहरुको रस-स्वादन गराउनु हुनेछ । तसर्थ यो अवसर नगुमायौं ।
समयको अभाव, सिमित साधन-स्रोत /जनशक्तिको आदि को कारणबाट प्रत्यक्ष रुपमा भेटि कार्यक्रममा आई हामीलाई सहयोग गरिदिनको लागि यहाँहरुलाई अनुरोध गर्न पाएका छैनौँ । त्यसको लागि क्षमाप्रार्थी छौँ । त्यसैले यहाँहरु समक्ष आफ्नो अनुरोध यस फेसबुक मार्फत पुर्याउने कोशिस गरेका हौँ । यसलाई सहर्ष रुपमा स्वीकार गरिदिन अनुरोध छ ।
तपाईंहरुबाट पाइरहेको साथ -सहयोग, समर्थनले हामीलाई परोपकारी काममा निरन्तर लागिरहन उत्साह, उमंग, हौसला प्राप्त हुने हुँदा यहाँहरु सवैमा फेरी एकचोटी कार्यक्रममा सहभागी भै हामीलाई कोष अभिवृद्धि गर्ने काममा सहयोग गरिदिन बिशेष अनुरोध छ ।
डेभलपमेन्ट फर पिस इन्टरनेसनल परिवार
