ड्यालास,
रियल्टर सूर्य थापा ड्यालासबाट प्रकाशित हुने डि म्यागेजीनको टप रियल्टर सूचिमा लगतार दोश्रो बर्ष पनि पर्न सफल भएका छन् । बिभिन्न बिधाका उत्कृष्टहरुको सूचि प्रकाशित गर्ने म्यागेजीनको Individual Top Platinum Producer 2024 मा रियल्टर थापा परेका हुन् । म्यागेजिनले हरेक बर्षको जुलाईमा प्रकाशित हुने अंकमा रियलस्टेट र मोर्गेज क्षेत्रमा काम गर्नेहरुको बिभिन्न क्षेत्रबाट रिर्पोट जम्मा गरि सुचि प्रकाशित गर्ने गर्दछ । बिभिन्न क्षेत्रका प्रोफेशनलहरुको उत्कृष्ट सुचि तयार पार्ने डि म्यागेजीन पुरानो र प्रतिस्ठीत म्यागेजिनमा पर्दछ ।
गत बर्ष पनि सुचिमा परेका थापा लगतार दोश्रो बर्ष पनि उक्त सुचिमा पर्दा आफुलाई धेरै बिश्वास गरेर सेवा प्रदान गर्न आउने सेवाग्राहि प्रति थप आभारी बनेको बताउछन् । आफुले सदैव सेवा लिन आउने सेवाग्राहीको चाहना र हितलाई मुख्य प्राथमिकतामा राखेर काम गर्दैै आएको र यस म्यागेजिनको छनौटले आफ्नो कार्य प्रति अझै गर्ब र हौसला मिलेको थापाले बताएका छन् ।
भास्तु रियल्टीमार्फत रियल्टरको रुपमा काम गरिरहेका थापा ड्यालास वरपर बिगत ३ बर्षदेखी रियल्टरको रुपमा कार्यरत छन् ।
