सुष्मा देवकोटा
टेक्सास, २३ जुन
गैर आवासिय नेपाली संघ (एनआरएनए) अमेरिकाको आसन्न १३ औं साधारण सभा (एजिएम) केन्द्रित पत्रकार सम्मेलन सम्पन्न भएको छ । एनआरएनए अमेरिकाको मिडिया एण्ड पब्लिकेशन कमिटीद्वारा आयोजित पत्रकार सम्मेलन जुन २३ आईतबारका साँझ १३ औं एजिएम केन्द्रित विषयगत छलफल सहित सम्पन्न भएको हो ।
आईतबार साँझ ७ बजेबाट सुरु भएको पत्रकार सम्मेलनमा एनआएनए संवद्ध तथा एजिएमको क्षेत्रगत जिम्मेबारीमा रहेका वक्ताहरुको धारणा सहितको साभारण सभा लक्षित जानकारी प्रस्तुत गरिएको थियो ।
एनआरएनए अमेरिकाका बरिष्ठ उपाध्यक्ष तथा १३ औं एजिएम संयोजक विकास उप्रेती सहित एनआरएनए अमेरिकाका युवा उपाध्यक्ष तथा १३ औं एजिएम सह संयोजक अनुप खनाल, एनआरएनए उपाध्यक्ष तथा कन्भेनर अन्तरगत नलेज कन्भेन्सन संयोजक भानु खरेल र एनआरएनए अमेरिकाको मिडिया एण्ड पब्लिकेशन कमिटी चियर तथा एजिएम मिडिया संयोजक शतिश चापागाईं मुख्य वक्ताका रुपमा सहभागी रहेका थिए ।
भर्जुअल माध्यमद्वा आयोजित पत्रकार सम्मेलनमा एजिएम संयोजक उप्रतीले लगायतका वक्ताहरुले बाल्टिमोरमा आयोजना हुँदै गरेको कार्यक्रममा एजिएम सफलता पूर्वक सम्पन्न गर्नका लागि विभिन्न च्याप्टर गठन, स्थानिय व्यवस्थापनल देखी १२ तारिक शुक्रबार साँझ च्याप्टर सभापतीहरुको सहभागीतामा आयोजना हुने च्याप्टर नाईटस् देखी दुई दिने सम्मेलनमाको उद्घाटन, नलेज कन्भेन्सन, फोरम संचालन, नेपाली साँस्कृतिक प्रस्तुती लगायत एजिएम केन्द्रित कार्यकमहरुको तयारी रहेको जानकारी दिएका छन् ।
अमेरिका भरका नेपालीको सहभागिता रहने एजिएमको तयारी अन्तरगत यतिबेला सचिवालयका कामहरु, नेपालबाट आउने अतिथीका प्रकृया, रजिष्ट्रेशन लिंक सार्वजनिक लगायतको जानकारी दिईएको पत्रकार सम्मेलन एजिएमको तयारी अन्तरगतको कार्यक्रम समेत रहेकाले आईतबाट थप प्रचार प्रसार पनि सुरु भएको छ ।
एजिएम नहुने हो कि भन्ने हल्लामा सत्यता नभएको समेत प्रष्ट पारिएको कार्यक्रममा पत्रकारहरुले एनआरएनए अमेरिका र यहाँका संचार माध्यम तथा संचारकर्मी विचको दुरी, आपसी दृष्टिकोण, मिडिया संवद्धमा एनआरएनएको दाहित्व लगायतका विषयप्रति लक्षित प्रश्नहरु राखेका थिए ।
नेपाल अमेरिका पत्रकार महासंघ नेजाका अध्यक्ष सुरज भण्डारी, महासचिव बाबुराम दाहाल, रिपोटर्स क्लब अमेरिका अध्यक्ष किशन रेग्मी, पत्रकार सुदिप सिवाकोटी लगायतको प्रश्न सहितको सहभागिता रहेको थियो ।
