टेक्सास, रियल्टरहरुको आधिकारीक संस्था मेट्रोटेक्स एशोसियसन अफ रियलर्सले चालिस बर्ष मुनिका ४० रियल्टरलाई दिने ४० अण्डर ४० अवार्ड २०२४ मा रियल्टर सूर्य थापा पर्न सफल भएका छन् । डल्लासमा रहेर रियल स्टेटमा सकृय थापा ४० अण्डर ४० अवार्ड २०२४ मा पर्न सफल भएको मंगलबार मेट्रोटेक्स एशोसियसन अफ रियलटर्सको हेडक्वाटर अर्भिगंमा भएको बिषेश कार्यक्रमका बिच जानकारी दिइएको थियो ।
मेट्रोटेक्स एशोसियसन अफ रियलर्सका सिईओ जस्टिन लण्डन, मेट्रोटेक्स एशोसियसन अफ रियलर्सकी प्रेसिडेण्ट एस्ली गेन्ट्री लगायतका उपस्थीतीमा भएको पत्रकार सम्मेलन तथा घोषणा कार्यक्रममा यस बर्षका ४० अण्डर ४० अवार्ड बिजेता र गत बर्षका बिजेताको समेत उपस्थीती थियो ।
लामो समयसम्म पत्रकारिता क्षेत्रमा सकृय भएका थापा बिगत ३ बर्षदेखी रियल्टरको रुपमा डल्लास क्षेत्रमा कार्यरत छन् ।
वास्तु रियल्टरमा कार्यरत थापाले आफुलाई यस प्रकारको अवाड प्राप्त गर्दा कार्य प्रति थप हौसला प्राप्त भएको बताएका छन् । थापाले आफुलाई बिस्वास गरेर आउने सम्पुर्ण सेवाग्राही, शुभचिन्तक तथा आफन्तलाई धन्यबाद भन्दै आफु सदैव सेवाग्राहीको हितमा काम गरिरहन यस अवार्डले प्रेरणा मिलेको बताएका छन् । .
