अमेरिकाको भर्जिनिया राज्यको मनासस शहरबाट हराएकी नेपाली मूलकी नर्स ममता काफ्ले हराएको २ साता वितिसक्दा पनि फेला पर्न सकेकी छैनन् । गत अगस्ट १ तारिबाट देखि हराई रहेकी ममता हराएको १६ औं दिन वितिसक्दा पनि फेला पर्न नसकेकी हुन् ।
उनि हराएको १५ औं दिन अर्थात विहिबार समेत ममताको खोजिका लागि दवाव स्वरुप मनाससको नेपाली समुदायले प्रहरी कार्यालयको अगाडि धर्ना दिएको थियो भने । ममताको घर पछाडि पार्क र जंगलमा पनि उनको खोजि नेपाली समुदायले गरेका थिए । उसोत ममता हराएको केहि दिनबाट नै मनाससको नेपाली समुदाय उनको खोजिमा सक्रिय रहँदै आएको छ ।
हिजै मात्र मनासस पार्क प्रहरी विभागले समेत यस घटना संम्बन्धमा विज्ञप्ती जारी गरेको । बिज्ञप्तिमा जुलाई २७ मा ममता काफ्ले अन्तिम पटक युभिए हेल्थ प्रिन्स विलियम मेडिकल सेन्टरमा देखिएकी थिइन् , जुलाई २८ मा ममता काफ्लेले साथीसँग कुरा गरेको र जुलाई ३१ का दिन काफ्लेलाई उनका श्रीमानले अन्तिम पटक देखेको उल्लेख छ ।
तर ममताको खोजिमा रहेका बिभिन्न संघरसंस्थाका प्रतिनिधि, स्थानीय नेतृत्ववर्ग ,समाज सेवी समुदायका व्यक्तिहरु ,संचार माध्यम ,ममताका सहकर्मी तथा साथीहरु ,स्वास्थ्यकर्मी ,शुभ चिन्तक, ,लगायतको बाक्लो उपस्थिति रहेकै समय जारी विज्ञप्तीमा उल्लेख भएका कुराप्रति भने उपस्थितहरुले विमत्ती जनाएका छन् । दिईएको सुचना मिती लगायतका जानकारी विज्ञप्तीमा वेमेल देखिएपछि उनिहरुले विज्ञप्तीप्रति असन्तुष्टि जनाएका हुन ।
जसमा अगस्त २ मा ममता काफ्लेको घरमा उनको सुरक्षा सहायक जाँचका लागि उनका श्रीमान् श्री भट्टसँग कुरा गरेको जनाएको छ । जसमा उनका श्रीमान नरेशले ममता हराएको रूपमा सूचना गर्न नचाहेको भनिएको छ । हराएको ५ औं दिनमा मात्र नरेशले प्रहरीलाई सुचना दिएको उल्लेख छ । जुन भनाई गलत भएको नेपाली समुदायको दावि छ ।
प्राप्त जानकारी अनुसार बिदेशी संचार माध्यमहरुले उनको खोजीमा सहयोग गर्नुको साथै प्रचार प्रसारमा व्यापक रुपमा सहयोग गरि रहेका छन् ।
ममताको खोजीमा यथासिघ्र थप पहल गर्नका लागि अमेरिका स्थित नेपाली दूतावाससँग एक टोलीले भेट गरेको छ । ममता बेपत्ता प्रकरणमा नेपाली दूतावासले टोलीलाई हर सम्भव प्रयास गर्ने आश्वासन पनि दिएको छ ।
उनको खोजीका लागि लेट्स स्पिक अप फर ममता काफ्ले भट्ट नामक सामाजिक संजाल समूह निर्माण भएको छ । जस मार्फत ममता बेपत्ता विषयमा भएका थप जानकारी सार्वजनिक हुँदै आएका छन् ।
