गत सोमबार साँझ अमेरिकाको अक्लोहमा स्थित टर्नर फल्समा ज्यान गुमाएका कोशल पराजुली जम्मा २० बर्षका मात्र भएका थिए । भर्खरै जीवनका सपना सजाउने उमेरका कोशल सोमबार आफ्ना साथीहरुसंग अक्लोहमाका लागि टेक्सासबाट बाहिरिँदै गर्दा सोचेका थिएनन् पक्कै यो नै मेरो अन्तिम यात्रा हुनेछ । विद्यार्थी भिषामा बाट अमेरिकाको अलावामामा आएका कोशल ३ साता मात्र भएको थियो टेक्सास आएको । सोमबार कोशल संगै अक्लोहमा पुगेका उनि टर्नर फल्सको चर्चाले तानेर साथीहरुसंगै टर्नर फल्स पुगेका थिए ।
पौडी खेल्ने क्रममा टर्नर फल्समा नै अस्ताएका उनि अव परिवार र नेपाली समाज माझ सम्झनामा मात्र रहेका छन् । २० बर्षको कलिलो उमेरमा नै परदेशमा उनको मृत्यु हुँदा परिवार र आफन्तजन गहिरो शोकमा डुवेका छन् । उनि ३ महिला साथीहरुसंग टर्नर फल्स पुगेका थिए । पौडी खेल्ने क्रममा कोशलकी एक साथी सुरक्षा घिमिरेको गम्भिर अवस्थामा उद्धार गरिएको थियो । हाल उनको टेक्सोमा मेडिकल सेन्टरको आईसीयु कक्षमा उपचार भै रहेको छ । परिवारले ठुलो रकम र सपना लगानी गरेर अमेरिका पढ्न पठाएका छोराको निधनले कोशलको परिवार विछिप्त अवस्थामा छ ।
कोशलका सहोदर मामा कमल पोखरेल यतिवेला भर्जिनियामा छन् । उनले भान्जाको अन्तिम दाह संस्कारका लागि आर्थिक सहयोगको अपिल सहित गोफण्ड संचालन गरेका छन् ।
कोशल पौडी खेल्न जान्ने थिए । तर आफुसंगै गएकी साथी डुब्न लागेपछि उनलृ साथीलाई बचाउन खोज्दा मृत्युवरण गर्नु परेको थियो । नेपाल बुटवल मणिग्राम घर भै हाल टेक्सासको नर्थलेक कलेजमा अध्ययनरत कोशलको निधनप्रति टेक्सासको नेपाली समुदाय शोक व्यक्त गरिरहेको छ ।
स्व. कोशल पराजुलीको अन्तिम संस्कारका निम्ती सहयोग गर्न तलको लिंकमा जानुहोस्
