नेकपा (माओवादी केन्द्र) का अध्यक्ष एवम् पूर्वप्रधानमन्त्री पुष्पकमल दाहालले पार्टी उपमहासचिव जनार्दन शर्माले लिखित रूपमा आफ्नो धारणा राखेको र त्यो फरक मत नरहेको बताएका छन् । पार्टी केन्द्रीय कार्यालय पेरिस डाँडामा आयोजित पोस्टबहादुर बोगटी स्मृति प्रतिष्ठानको नवौं वार्षिक साधारण सभालाई सम्बोधन गर्दै प्रधानमन्त्री प्रचण्डले जनार्दन शर्माले पार्टी फुटाउन खोजेको भन्ने भ्रमबाट मुक्त हुन आग्रह गरेका हुन् ।
उपमहासचिव शर्माले पार्टी फुटाउन खोजेको कुरा गलत भएको दावि सहित उनले जनार्दन शर्माको स्थायी कमिटीको अन्त्यसम्म आउँदा पार्टी फुटाउने कुनै नियत र उद्देश्य नभएको समेत दावि गरेका छन् ।
आफूलाई केही मानिसले पार्टी फुटाउन लागेको भन्ने हल्ला सुनाएकाले केही संशय भने पैदा भएकोे स्वीकारोक्ति गरेका प्रचण्डले आफुले भ्रष्टाचार विरुद्ध निणायक कामहरु गर्दागर्दै आफूलाई सरकारबाट हटाइएकोप्रति असन्तुष्टी व्यक्त पनि गरेका छन् ।
स्थायी कमिटीको बैठकमा केही सदस्यले भिन्न धारणा राखे पनि पार्टी एकजुट भएको स्पष्ट पार्दै अध्यक्ष प्रचण्डले पार्टी एकतावद्ध रहेको र एकतावद्ध भएर केन्द्रीय कमिटी बैठकमा जाने दावि समेत गरेका छन् ।
