अमेरिकाको टेक्सास नेपाली सर्व बाहुल्य राज्य हो । जहाँ नेपाली चाड पर्वको रौनक पनि अन्य राज्यको तुलनामा धेरै हुने गर्दछ । भूगोलले देशको माया र मौलिक स्वभिमानलाई फरक पार्दैन भन्ने उदाहरण आईतबार टेक्सासको अर्लिगंटनमा पनि देखियो ।
नेपाली समाज टेक्सास (एनएसटी) र ईन्द्रेणी सांस्कृतिक संघको संयुक्त आयोजनामा अगष्ट २५ तारिक आईतबार आयोजित तिज विषेश कार्यक्रममा अत्याधिक ठुलो संख्यामा नेपाली तथा नेपाली भाषि महिलाहरुको सहभागिता देखिन्थ्यो ।
चेली माईतीको सम्बन्ध दर्साउने तिज पर्वका अवसरमा आयोजित यस कार्यक्रममामध्यान्न ४ बजेबाट सुरु भएको थियो ।दरका रुपमा नेपाली मौलिक परिकारहरुको व्यवस्था रहेको कार्यक्रममा विभिन्न उमेर समुहका महिलाहरु तथा उल्लेखनिय पुरुष सहभागिता समेत रहेको थियो ।
प्रवेश शुल्क २५ डलर तोकिएको कार्यक्रममा सहभागि महिलाहरुको उत्साहले नेपालमा तिज मनाईरहेको झल्को दिन्थ्यो । प्राय रातो सारीमा सजिएका नेपाली चेलीहरु र उनिहरुसंगै पर्व मनाउन उत्साहित बालबालिका र किशोरीहरुको नेपालीत्व झल्काउने पहिरनले टेक्सासमा जितको स्वागत भव्य रुपमा भै रहेको आभाष हुन्थ्यो ।
धेरै भन्दा धेरै महिला सहभागिताको लक्ष्य राखिएको मौलिक तथा आत्मिक पर्व तिजका अवसरमा आयोजित यस कार्यक्रमलाई सफल तुल्याउन सहयोग पुर्याउने सम्पूर्णमा आयोजक संस्थाहरुले धन्यवाद व्यक्त गरेका छन् ।
हरेक बर्ष तिज विषेश कार्यक्रम गर्दै आएको एनएसटी र ईन्द्रेणीले नेपाली मौलिक पर्व संवद्ध विविध कार्यक्रमहरु गर्दै आएको छ ।
