नेपाली समुदाय माझ विश्वव्यापि सनसनी घटनाका रुपमा रहेको ममता काफ्ले हत्या प्रकरण मुद्धाको भिडियो सार्वजनिक गर्न न्यायाधिशले आदेश दिएका छन् । शुकबार भएको सुनुवाईमा हत्या आरोपी नरेश भट्ट सहित अदालत पुगेका उनका रक्षा वकिलको अनुरोधमा न्यायाधिशले जुलाई २७ को ममताको सिसिटिभि भिडियो सार्वजनिक गर्न आदेश दिएका हुन् ।
समाचार एजेन्सी एविसीका अनुसार जुलाई २७ का दिन ममताले प्रिन्स विलियम काउन्टीमा काम गरेको र अस्पताल बाहिर कालो चार–ढोका भएको अज्ञात सेडान गाडीमा स्वभाविक रुपमा पसेको देखिएकोले सो भिडियो सार्वजनिक गर्न न्यायाधिशले आदेश दिएका हुन् ।
शुक्रबार बिहान पूर्व परीक्षणको सुनुवाइका लागि अदालतमा हाजिर भएका ममता पति नरेश भट्ट हँसिलो अनुहारमा देखिएको प्रत्यक्षदर्शीले जनाएका छन् । भिडियो सार्वजनिकका हकमा भने ममता पक्षका सरकारी वकिलले नरेश भट्टले जुलाई ३१ सम्म आफुसंगै रहेको बताईसकेकाले २७ तारिक उनि कुन गाडी चढिन् भन्ने कुराले कुनै पनि अर्थ नराख्ने तर्क दिएका छन् ।
विश्वभरबाट सुनुवाईको न्यायिक प्रतिक्षा गरिएको यस मुद्धाको आजको सुनुवाई पछि अर्को सुनुवाई १६ तारिक हुनेछ । साथै ममताको घरमा फेरी अनुसन्धान गरेको जानकारी गराएको छ ।
मनासस पार्क प्रहरी चौकीले गत सेप्टेम्बर १२ बिहिबारका दिन नरेश भट्टको घरमा प्रिन्स विलियम काउन्टी प्रहरी फोरेन्सिक बिभागको सहयोगमा ९४०८ स्थित हेदर कोर्ट( मार्ग) मनासस घरमा अर्को खोज अधिकार पत्र पूर्जी (वारेन्ट )कार्यान्वयन गरेको जनाएको छ ।
साथै प्रहरी बिभागले पछिल्ला केही दिनहरूमा गुप्तचरहरूले नयाँ जानकारी प्राप्त गरेको समेत बिज्ञप्तिमा उल्लेख गरेको छ । नयाँ जानकारी प्राप्त गरेकोले निवासको लागि खोजी वारेन्ट (अधिकार पत्र )प्राप्त गरेको बिज्ञप्तिमा भनिएको छ ।
खोजीमा बिभागले के प्रमाण खोजिरहेका थियौं भन्ने बिषयमा खुलासा गर्न नसक्ने बताएको छ । ममता काफ्ले भट्टको मुद्दामा मनसास पार्क प्रहरी विभागले सक्रियतापूर्वक अनुसन्धान जारी राखेको समेत प्रतिबद्धता दोहोर्याएको छ ।
