प्रधानमन्त्री एवम् नेकपा एमालेका अध्यक्ष केपी शर्मा ओलीले देशलाई अझै पनि राम्रो बन्न नदिने प्रयास भइरहेको बताएका छन् । एमालेद्वारा काठमाण्डौको बूढानीलकण्ठमा आयोजित कार्यक्रममा बोल्दै प्रधानमन्त्री ओलीले गणतन्त्र, विकास, समृद्धि, शान्ति र सुशासनको व्यवस्थित मार्गमा अवरोध पुर्याईंदै आएको दावि गरेका हुन् ।
परिवर्तनका विरोधी शक्तिहरु संविधानविरुद्ध खुलेआम लागिरहेको आरोप समेत लगाएका ओलीले परिवर्तन विरोधी शक्तिको प्रयासलाई विफल बनाउन एमाले तयार रहेको समेत दावि गरेका छन् ।
देशलाई शान्ति र समृद्धिको यात्रामा अघि बढाउन एमाले निर्णायक राष्ट्रिय शक्ति बन्ने यात्रामा कटिबद्ध भएर लागिरहेको प्रभानमन्त्री ओलीले केन्द्र, प्रदेश र पालिका सरकारले जिम्मेबारपुर्ण काम गर्नुपर्ने तर्फपनि जोड दिएका छन् ।
