सागर अर्याल, ड्यालास ।
टेक्सासको ड्यालासमा रहेका गुल्मेलीहरुको बृहत बनभोज कार्यक्रम हुने भएको छ । आगामी आईतबार युलेशको बियर कृक पार्कमा दिउसो १ बजेबाट ड्यालास वरपर बस्ने गुल्मेलीहरुको बनभोज हुन लागेको हो । गुल्मी जिल्लाबाट ड्यालासमा आई बसोबास गर्नेहरु तथा गुल्मीमा माईती, मावली हुनेहरु समेतलााई र समाजका बिभिन्न संघ संस्थाका प्रतिनिधीहरुलाई समेत निमन्त्रणा गरिएको बनभोज कार्यक्रम फरक र ऐतिहासीक बनाउने प्रयासमा रहेको बनभोज आयोजक समितीका संयोजक दिपक भण्डारीले जानकारी दिनुभयो ।
गुल्मी जिल्लाबाट ड्यालास वरपर मात्र लगभग ५०० परिवार रहेको अनुमान गरिएको छ । गुल्मी जिल्लामा दशैंमा आयोजना हुने सराय नाचं, गुल्मेली सास्कृतिक नांच लगायतका बिभिन्न मौलिक प्रस्तुती रहने बनभोज कार्यक्रममा गुल्मी सम्बन्धी थप जान्न र त्यंहाबाट आएका वुबा आमाका यहि जन्मेका सन्तानलाई समेत गुल्मीको बारेमा धेरै कुरा जान्न मिल्ने अपेक्षा गरिएको आयोजक सदस्य नारायण क्षेत्रीले बिश्वास ब्यक्त गरेका छन् । बिना शुल्क आयोजना हुन लागेको बनभोज कार्यक्रममा आउन गुल्मेलीहरुलाई खुल्ला आब्हान गरिएको छ ।
आईतबार दिउसो हुने कार्यक्रम दिउसो १ बजेबाट साझं ६ बजेसम्म चल्ने छ ।
