अमेरिकामा रहेका मधेशी समुदायको सँस्था मधेशी एशोसियशन ईन अमेरिका( MAA) को चौंथो महाधिवेशन भर्जिनियामा हुने भएको छ । “मधेशीको शान, आफ्नो सँस्कृति, आफ्नो पहिचान” भन्ने मूल नाराका साथमा MAA को चौथो महाधिवेशन आईतबार भर्जिनियाको म्यानसस शहरमा हुने भएको हो ।
नेपालका पूर्ब उप प्रधानमन्त्री राजेन्द्र महताको प्रमुख आतिथ्यता रहने महाधिवेशनमा नेपालबाट मधेशी नेताहरु, नेपाली दूताबास, गैरअवासीय नेपाली संघ अमेरिका, नेपाली समुदायका बिभिन्न संस्थाहरु तथा अमेरिकी समुदायका प्रतिनिधिहरुको पनि उपस्थिती रहने बताइएको छ ।
संस्थाकी केन्द्रिय अध्यक्ष डा.संगीत रौनियारका अनुसार चौंथो महाधिवेशनले संस्थाका बार्षिक कार्यक्रम, संस्थागत तथा आर्थिक प्रगति प्रतिबेदन पारित गर्नुका साथै आगामी २ बर्षका लागि नयाँ नेतृत्व समेत चयन गर्नेछ ।
त्यस्तै बरिष्ठ उपाध्यक्ष मनोज सिंहका अनुसार अमेरिकामा रहेका मधेशी समुदायको छाता संस्थाका हैसियतमा चौैंथो महाधिवेशन ऐतिहासिक रहने छ । जहाँ अमेरिकामा रहेका १९ वटा च्याप्टरबाट करिब ३ सय भन्दा बढी मधेशी समुदायको उपस्थितको अपेक्षा गरिएको महाधिवेशनमा साँस्कृतिक परेड, मधेशी कलाको प्रदर्शनी, मधेश पार्कको कार्य योजना समेत उद्घाटन गरिने छ भने उक्त अवसरमा संस्थालाई बिभिन्न क्षेत्रबाट सहयोग गर्ने ब्यक्ति तथा संस्थाहरुलाई पनि सम्मान गर्ने कार्यक्रम समेत रहेको छ ।
