पूर्व सभामुख कृष्ण बहादुर महरा बलत्कार प्रकरणकी पीडित रोशनी शाही मृत फेला परेकी छन् । भक्तपुरको सूर्यविनायक नगरपालिका–३ बालकोट स्थित कोठामा ५० वर्षीया शाही मृत अवस्थामा फेला परेकी हुन् ।
जाजरकोट स्थायि घर भै बालकोटको बृहस्पति मार्गस्थित लक्ष्मीश्वर महतोको तीनतले घरमा डेरा गरेर बस्ने शाही आइतबार दिउँसो १ बजेर ५० मिनेटमा कोठाभित्रै मृत अवस्थामा उनी फेला परेपछि घटना बाहिर आएको हो ।
मृतक शाहीको शव नजिकै एउटा पत्र पनि फेला परेको छ । केहि मिडियाले यस पत्र सुसाईट नोट भएको बताएपनि जिल्ला प्रहरी परिसर भक्तपुरका प्रवक्ता एवं प्रहरी नायब उपरीक्षक ढुण्डीराज न्यौपानेले भने फेला परेको पत्र शाही आफैंले लेखेको हो वा होइन भन्नेबारे अनुसन्धान भइरहेको बताएका छन् ।
शाहीले आफु संसद् सचिवालयकी कर्मचारी रहेको समय, प्रतिनिधिसभाका पूर्वसभामुख कृष्णबहादुर महरालाई बलत्कारको आरोप लगाएकी थिईन् । सन् २०१९ को अन्त्य तिरको यो आरोपले देशमा ठुलै हंगामा भएको थियो । महरालाई दोसी ठहर गरि डिल्लिबजार जेल चलान समेत गरिएको यस आरोपबाट पछि उनले सफाई पाएका थिए । महरालाई काठमाण्डू जिल्ला अदालतले पुर्पक्षको लागि थुनामा राख्ने आदेश दिएको त्यस घटनाकी पिडित महिला भएकै कारण पनि शाहीको मृत्युको समाचारले पनि शिर्ष स्थान पाईरहेछ ।
भित्रबाट चुकुल लगाएको अवस्थामा कोठाभित्र फेला परेको उनको शवमा कुनै पनि बाहिरी चोट नदेखिएको परेको प्रहरीले जनाएको छ । मृतक शाहीका छोराछोरी विदेशमा रहेकाले उनि श्रीमानसंग रहँदै आएको बताईएको छ । श्रीमान पति कामको सिलसिलामा उपत्यका बाहिर गएकाले उनि कोठामा एक्लै रहँदै आएकी थिईन् । तर महरासंगको सम्बन्ध बाहिर आएको केही महिना भित्रै उनि र उनका पति चित्रजंग शाहीविच सम्बन्ध विच्छेदको प्रकृया अघि बढेको थियो । सामाजिक रुपमा बदनाम हुन पुगेको यस घटनामा शाहि दम्पति विच २८ बर्ष लामो वैवाहिक जीवनबाट अलगत हुने सहमति गर्दै कागजमा सही भएको थियो । सो समय रोशनीका पति पत्नी दुवैले हस्ताक्षर गरेको देखिने सानो कागजको टुक्रा चित्रजंग कार्कीले फेसबुकमा सेयर समेत गरेका गरेकाले उनि तिनै पनि चित्रजंग सित थिईन् या एक्लै थिईन् स्पष्ट भने छैन ।
