अमेरिका, जुलाई १७ –
गैरआवासीय नेपाली संघ (NRNA) को अन्तर्राष्ट्रिय समन्वय परिषद् (ICC) ले अमेरिका राष्ट्रिय समन्वय परिषद् (NCC-USA) को निर्वाचनका लागि नयाँ निर्वाचन आयोग गठन गरेको छ।
ICC-NRNA ले २००३ को संविधान (२०२२ मा संशोधित) को धारा २४.१ अनुसार सबै एनसीसी निर्वाचनहरू २०२५ जुलाई ३१ भित्र सम्पन्न गर्नुपर्ने स्पष्ट व्यवस्था रहेको उल्लेख गर्दै आयोग गठनको निर्णय गरेको हो।
NCC-USA ले निर्वाचन मिति जुलाई २६–२७, २०२५ प्रस्ताव गरे पनि, जुलाई १६ मा निर्वाचन आयोगले यसको विपरित मिति तोकेपछि विवाद उत्पन्न भएको थियो। विवाद समाधानको क्रममा ICC Bylaws को धारा २३.८ अनुसार ICC को नियमहरूलाई प्राथमिकता दिइएको छ।
नयाँ पाँच सदस्यीय निर्वाचन आयोगमा निम्न व्यक्तिहरू रहेका छन्:
1. अनुप श्रीवास्तव – प्रमुख निर्वाचन आयुक्त
2. भुवन आचार्य – सदस्य
3. रबिन बज्राचार्य – सदस्य सचिव
4. छत्र गुरुङ – सदस्य
5. पूर्ण बानिया – सदस्य
यस निर्णयको उद्देश्य निर्वाचन प्रक्रियालाई पारदर्शी, वैधानिक र समयमै सम्पन्न गर्नु रहेको छ। आयोगलाई सफल बनाउन सबै सरोकारवालालाई सहयोग गर्न आग्रह गरिएको छ।
पत्रमा ICC-NRNA का अध्यक्ष डा. बद्री केसी, आर.सी अमेरिका बेद राज बस्नेत र महासचिव गौरी राज जोशीले हस्ताक्षर गरेका छन्।
