ड्यालस, अमेरिका —
गैर आवासीय नेपाली संघ, राष्ट्रिय समन्वय परिषद् अमेरिका (NRNA NCC-USA) को आगामी निर्वाचन अगस्ट १६ र १७, २०२५ मा हुने पक्का भएको छ। सोही निर्वाचनमा राम हरि अधिकारीले अध्यक्ष पदका लागि औपचारिक उम्मेदवारी घोषणा गरेका छन्।
विगत १० वर्षदेखि सक्रिय भूमिका निभाउँदै आएका अधिकारी संस्थाको विभिन्न तहमा अनुभव बटुल्दै नेतृत्वका लागि परिपक्व बनेका छन्। संस्थाको वर्तमान परिस्थितिलाई विश्लेषण गर्दै उनले भने, “संस्थाको पुनर्जागरण, पारदर्शिता र सबै नेपालीलाई समेट्ने नेतृत्व आवश्यक छ। यो जिम्मेवारी लिन म तयार छु।”
उनले नेतृत्वको अवसर लिन आफूलाई प्रेरित गर्ने तीन मुख्य कारणको उल्लेख गरेका छन्—
संस्थाप्रतिको दीर्घकालीन प्रतिबद्धता,
विगतको अनुभव, र
संवेदनशील वर्तमान परिस्थिति।
राम हरि अधिकारीले सबैमा साथ, सुझाव र विश्वासको अपेक्षा गर्दै NRNA लाई एकजुट, समावेशी र नेपाली प्रवासीहरूको साझा छाता बनाउने दृष्टिकोण प्रस्तुत गरेका छन्।
उनको उम्मेदवारी घोषणासँगै आगामी निर्वाचनमा नेतृत्वको प्रतिस्पर्धा थप चासोको विषय बनेको छ।
