डालस, जुलाई २९ – गैरआवासीय नेपाली संघ (NRNA) NCC USA का वर्तमान कोषाध्यक्ष सरोज सिग्देलले आगामी २०२५–२०२७ कार्यकालका लागि वरिष्ठ उपाध्यक्ष (Senior Vice President) पदमा उम्मेदवारी घोषणा गरेका छन्।
सिग्देलले एनआरएनएलाई थप उत्तरदायी, पारदर्शी, समावेशी र सदस्य–केन्द्रित संस्था बनाउने अठोटसाथ उम्मेदवारी घोषणा गरेका हुन्।
“मेरो उद्देश्य केवल पद प्राप्ति होइन, NRNA लाई सबैका लागि समान अवसरयुक्त, जवाफदेही र प्रभावकारी संस्था बनाउने संकल्प हो,” उनले आफ्नो घोषणापत्रमार्फत बताएका छन्।
उनका प्रमुख एजेन्डाहरू यसप्रकार छन्:
- नागरिकताको निरन्तरता सुनिश्चित गर्ने
- दोहोरो कर प्रणालीको खारेजीको पक्षमा पैरवी गर्ने
- लगानीमैत्री वातावरण प्रवर्द्धन गर्ने
- युवा सशक्तिकरण र सदस्य सहभागिता बढाउने
- आर्थिक पारदर्शिता र जवाफदेही नेतृत्वको अभ्यास
“एक दृष्टिकोण • एक लक्ष्य • एक साझा – एनआरएनए” भन्ने नाराका साथ सिग्देलले एकताको सन्देश पनि दिएका छन्।
अन्त्यमा उनले सबै सदस्यहरूलाई भोट दिन, आवाज उठाउन र सक्षम नेतृत्व चयन गर्न आग्रह गरेका छन्।
