डालस, जुलाई २९ – गैरआवासीय नेपाली संघ (NRNA) राष्ट्रिय समन्वय परिषद् (NCC) अमेरिकाको आगामी २०२५–२०२७ कार्यकालका लागि यहि आगामी अगस्ट १६ र १७ मा हुने निर्वाचनमा महिला संयोजक पदमा सरस्वती शर्मा (सरु) ले उम्मेदवारी दर्ता गरेकी छन्।
हालको कार्यसमितिमा बोर्ड अफ डाइरेक्टरको जिम्मेवारी सम्हालिसकेकी शर्माले संस्थाभित्रको संरचना, चुनौती र सम्भावनालाई नजिकबाट बुझ्न सफल भएको बताइन्।
उनले भनिन्, “संस्थालाई अझ मजबुत र एकिकृत बनाएर लैजान महिला संयोजकको रूपमा अग्रसर हुन चाहन्छु। सम्पूर्ण दिदीबहिनीहरूको आवाज मेरो आवाज हुनेछ, समाजको चाहना मेरो चाहना हुनेछ।”
शर्माले अमेरिकामा रहेका सम्पूर्ण नेपाली दाजुभाइ तथा दिदीबहिनीहरूलाई सहयोग र समर्थनका लागि अनुरोध गरेकी छन्। उनले आशा व्यक्त गर्दै भनिन्, “हजुरहरूको मत र विश्वासले मलाई सबैको आवाज बुलन्द बनाउने अवसर प्रदान गर्नेछ।”
सम्पूर्णमा नमस्कार म सरस्वती शर्मा (सरु)
गैर आवाशिय नेपाली संघ राष्ट्रिय समन्वय परिषद अमेरिकाको यहि August 16-17 मा हुन गइरहेको आसन्न निर्वाचनमा (2025-2027) कार्यकालको लागी मैले महिला संयोजकको पदमा उम्मेदवारी दर्ता गरेकी छु ।
वर्तमान कार्य समितिमा बोर्ड अफ डायरेक्टको रुपमा काम गरिसकेपछि संस्थालाई बुझ्ने मौका राम्रो संग मिल्यो । यसै अनुरुप वर्तमान अवस्थामा संस्थालाई अझ मजबुत र एकिकृत बनाएर लैजानका लागि मैले आफ्नो उम्मेदवारी दर्ता गरेकी हु ।
यसका निम्ति अमेरिकामा रहनु भएका सम्पुर्ण नेपाली दाजु भाई तथा दिदि बहिनीहरुमा सहयोगको लागी हार्दिक अनुरोध गर्दछु। सम्पुर्ण दिदि बहिनीहरुको आवाज मेरो आवाज हुनेछ। समाजको चाहाना मेरो चाहाना हुनेछ। आशा र भरोसा छ हजुरहरुले मत दिएर मलाई यस कार्यकालमा हामि सबैको आवाज बुलन्द बनाउने मौका दिनु हुनेछ।
उम्मेद्वार – सरस्वती शर्मा ( सरु)
महिला संयोजक
एनआरएन एनसिसि युएसए
