अमेरिका — गैर आवासीय नेपाली संघ राष्ट्रिय समन्वय परिषद् (NRNA NCC USA) को आसन्न २०२५–२०२७ कार्यकालका लागि हुन गइरहेको निर्वाचनमा महेन्द्र बस्नेतले कोषाध्यक्ष (Treasurer) पदमा उम्मेदवारी दिएका छन्। निर्वाचन आगामी अगस्ट १६ र १७ तारिखमा सम्पन्न हुने छ।
बस्नेतले अघिल्लो २०२३–२०२५ कार्यकालमा प्राप्त जिम्मेवारीलाई कुशलतापूर्वक सम्पन्न गरेको अनुभवका आधारमा पुनः उम्मेदवारी दिएको बताएका छन्। उनका अनुसार आगामी कार्यकालमा संस्थालाई अझ मजबुत, पारदर्शी र प्रभावकारी बनाउन आफू प्रतिबद्ध रहनेछन्।
अमेरिकामा रहेका सम्पूर्ण नेपाली समुदायसँग उनले आफ्नो पक्षमा अमूल्य मत तथा सल्लाह–सुझावको अपेक्षा गरेका छन्।
