अमेरिकाको टेक्सास राज्यस्थित इरभिङ सहरमा यस वर्ष पनि नेपाली समुदायले भव्य रूपमा मोमो फेस्टिवल २०२५ आयोजना गर्ने भएको छ। दशैं-तिहारको अवसर पारेर आयोजना गरिने यो मेलामा सांगीतिक कार्यक्रम, हास्यव्यङ्ग्य, सांस्कृतिक प्रस्तुति तथा स्वादिष्ट नेपाली परिकार ‘मोमो’ मुख्य आकर्षण रहनेछ।
कार्यक्रम आगामी शनिबार, सेप्टेम्बर २७, २०२५ का दिन Levy Event Plaza, Irving, TX मा अपराह्न २ बजेदेखि राति १० बजेसम्म सञ्चालन हुनेछ।
यस वर्षको मोमो फेस्टिवलमा लोकप्रिय गायक–गायिका र कलाकारहरूको प्रस्तुति रहनेछ। सहभागी कलाकारहरूमा सुगम पोखरेल, महेश काफ्ले, अश्मिता अधिकारी, प्रेमराजा महत, शान्ति भण्डारी, मीना पोखरेल, साथै हास्य कलाकार दीपक राज गिरी, जितु नेपाल, सञ्चारकर्मी आसिफ शाह र दीपा श्री निरौला लगायत रहेका छन्।
फेस्टिवललाई Mo:Mo To Go ले प्रस्तुत गरेको हो भने, मुख्य प्रायोजक Bankhead Brewpub रहेको छ। कार्यक्रम व्यवस्थापन Trifecta ले गर्नेछ।
सांगीतिक प्रस्तुति, हास्यव्यङ्ग्य, परिवारमै रमाइलो गर्न सकिने वातावरण र नेपाली खानाको स्वादका साथ यस पटकको मोमो फेस्टिवल अझ भव्य हुने अपेक्षा गरिएको छ।
