राम प्रसाद अधिकारी,
टेक्सास, अमेरिका – नेपाली समाज टेक्सास (NST) का वर्तमान वरिष्ठ उपाध्यक्ष जनक भण्डारीले आगामी कार्यकाल (२०२५–२०२७) का लागि अध्यक्ष पदमा आफ्नो उम्मेदवारी औपचारिक रूपमा घोषणा गरेका छन्।
भण्डारीले पहिलो कार्यकालमा उपाध्यक्ष र दोस्रो कार्यकालमा वरिष्ठ उपाध्यक्षका रूपमा समुदायको सेवा गर्ने अवसर पाएको उल्लेख गर्दै, आफ्नो टिमसँग पूर्ण परामर्शपछि यसपटक अध्यक्ष पदमा प्रतिस्पर्धा गर्ने निर्णय गरेको जानकारी दिए।
उम्मेदवारी घोषणा गर्दै उनले भने,
“टेक्ससवासी आमाबुवा, दिदीबहिनी तथा दाजुभाइहरूको निरन्तर साथ, प्रेरणा र सहयोगका कारण नै म आज यहाँसम्म आइपुगेको हुँ। तपाईंहरूको माया, समर्थन र बहुमूल्य मतले यसपालि पनि मलाई जिताएर पुनः सेवा गर्ने अवसर प्रदान गर्नुहुनेछ भन्ने दृढ विश्वास लिएको छु।”
भण्डारीले आफ्नो विस्तृत एजेन्डा चाँडै सार्वजनिक गर्ने बताएका छन्। उनले समुदायजनबाट निरन्तर सुझाव, मार्गदर्शन र समर्थनको अपेक्षा गर्दै धन्यवाद व्यक्त गरे।
जनक भण्डारी
वरिष्ठ उपाध्यक्ष
अध्यक्ष पदका उम्मेदवार (२०२५–२०२७)
नेपाली समाज टेक्सास (NST)
