टेक्सस, अमेरिका — नेपाली समाज टेक्सस (NST) को आगामी कार्यकालका लागि राधिका खरालले महिला उपाध्यक्ष पदमा उम्मेदवारी घोषणा गरेकी छन्। सामाजिक सेवा, स्वास्थ्य कार्यक्रम, महिला सशक्तिकरण र सामुदायिक नेतृत्वमा लामो समयदेखि सक्रिय खरेल समुदायमा जिम्मेवार नेतृत्वका रूपमा चिनिन्छिन्।
नेपालदेखि अमेरिकासम्मको सामाजिक यात्रामा विविध भूमिकामा योगदान गर्दै आएकी खरालले महिला तथा समुदायका मुद्दामा निरन्तर काम गर्दै आएकी छिन्। नेपालमा रहँदा उनी विभिन्न महिला–उत्थान कार्यक्रम, सहकारी तथा गैर–नाफामुखी संस्थामा संलग्न रहँदै आर्थिक, सामाजिक र मानसिक सशक्तिकरणका परियोजनाहरू नेतृत्व गर्थिन्।
अमेरिका आएपछि खरेल लुम्बिनी सेवा समाजमा कार्यसमिति सदस्य र महिला संयोजकका रूपमा सक्रिय भइन्। साथै उनले Nepali Samaj Texas मा पनि निरन्तर स्वयंसेवा गर्दै स्वास्थ्य तथा सामाजिक अभियानमा महत्वपूर्ण भूमिका खेल्दै आएकी छन्।
सन् २०१८ देखि NCSC मार्फत कठिन परिस्थितिमा परेका दिदीबहिनी तथा परिवारहरूलाई सहयोग गर्दै आएकी खरालले समुदायलाई नजिकबाट बुझ्ने अवसर पाएको बताइन्।
महिला उपाध्यक्षका रूपमा आफ्नो प्रतिबद्धता प्रस्तुत गर्दै खरालले समन्वय, पारदर्शिता, महिलाको upliftment, र समुदायमैत्री कार्यक्रमलाई प्राथमिकता दिने बताइन्। उनले आवश्यक परे नेतृत्व भूमिका निर्वाह गर्न तयार रहेको उल्लेख गर्दै महिलाको आवाजलाई संस्थागत रूपमा मजबुत बनाउन आफू समर्पित रहने दृढता व्यक्त गरिन्।
“नेतृत्व मेरो नजरमा पद होइन, सेवा गर्ने अवसर हो,” खरालले भनिन्। “यदि समुदायले विश्वास, समर्थन र साथ प्रदान गरे, म अझ ठूलो ऊर्जा, निष्ठा र सेवाभावका साथ NST को यात्रालाई अघि बढाउनेछु।”
