राम प्रसाद अधिकारी –
नेपाली समाज टेक्सस (NST) को आगामी कार्यकाल २०२६/२७ का लागि महिला उपाध्यक्ष पदमा शान्ता गिरीले आफ्नो उम्मेदवारी औपचारिक रूपमा घोषणा गरेकी छन्। समुदाय–सेवाप्रति समर्पित, पारदर्शी नेतृत्व र महिलासशक्तिकरणलाई मुख्य प्राथमिकता बनाउने लक्ष्यसहित गिरीले आफ्नो उमेदवारी प्रस्तुत गरेकी हुन्।
गिरीका अनुसार, “सेवा शब्द मात्र होइन, यो मेरो रगत–रगतमा बग्ने भावना हो। समुदायका समस्या सुन्ने, बुझ्ने र समाधानतर्फ अघि बढ्ने इच्छाशक्ति भित्रैबाट आउनुपर्छ।”
समुदायमा बिगत चार वर्षको निरन्तर सक्रियताले उनीलाई नेतृत्वमा अझ तयारी र आत्मविश्वास दिएको छ।
उनी भन्छिन्,
“सदस्यसँगै एक कार्यकाल महिला संयोजकको रूपमा संस्थामा काम गरिसकेको अनुभवले मलाई अझ जिम्मेवार, सक्षम र परिणाममुखी नेतृत्वका लागि तयार बनाएको छ।”
शान्ता गिरी NST मा विभिन्न भूमिकामा रही योगदान दिँदै आएकी छन्—
- कार्यकारिणी सदस्य (२०२२/२३)
- महिला संयोजक (२०२४/२५)
उनले नेपाली समुदायलाई एकताबद्ध, समावेशी र सशक्त बनाउने आफ्नो अठोट व्यक्त गर्दै भनिन्,
“तपाईंहरूको भरोसा नै मेरो शक्ति हो। बिगतको माया, सम्मान र समर्थनले नै मलाई निरन्तर अघि बढ्न ऊर्जा दिएको छ।”
उनको उम्मेदवारीसँगै टेक्सासस्थित नेपाली समुदायमा सकारात्मक चर्चा र उत्साह थपिएको छ।
