राम प्रसाद अधिकारी – टेक्सास
नेपाली समाज टेक्सास (NST) मा विगत दुई कार्यकालदेखि महिला विभाग तथा विभिन्न समितिहरूमा सक्रिय रूपमा योगदान दिँदै आएकी Sony Thapa (Sonysha) ले आगामी 2026–2027 कार्यकालका लागि महिला संयोजक पदमा आफ्नो उम्मेदवारी घोषणा गरेकी छन्।
अमेरिकाको नयाँ परिवेशमा नेपाली महिलाहरूले सामना गर्दै आएका सामाजिक, पारिवारिक, भावनात्मक तथा सूचनात्मक चुनौतीहरूलाई नजिकबाट अनुभव गर्दै आएको बताउँदै उनले महिलाको क्षमता, आत्मविश्वास र पहुँच विस्तार गर्न आफू निरन्तर काम गर्दै आएको उल्लेख गरिन्।
युवा र विद्यार्थीहरूसँग समेत नजिकबाट सहकार्य गर्दै उनीहरूको सिकाइ, नेतृत्व, अवसर र समुदायप्रतिको संलग्नता वृद्धि गर्ने उद्देश्यले विभिन्न कार्यक्रम र गतिविधिमा सक्रिय योगदान दिँदै आएकी Thapa ले आगामी कार्यकालमा महिलामुखी प्रभावकारी कार्यक्रमहरूलाई प्राथमिकता दिने बताएकी छन्।
उनीले प्रस्तुत गरेको आगामी कार्ययोजना यसप्रकार छः
- समुदायका महिलाले भोगिरहेका दैनिक चुनौतीहरूको पहिचान र समाधानमा पहल
- महिला सशक्तीकरण, नेतृत्व तथा कौशल विकास सम्बन्धी कार्यक्रम संचालन
- मानसिक स्वास्थ्य, अभिमुखीकरण, कानुनी जानकारी तथा आपतकालीन सहयोगमा सहज पहुँच
- समुदायबीच एकता, सहकार्य र आत्मविश्वास निर्माणमा दीगो योगदान
“महिला अधिकार, नेतृत्व विकास र हाम्रो समुदायभित्र महिलाको सशक्त सहभागिता सुनिश्चित गर्न मेरो प्रतिबद्धता अझ दृढ छ,” Thapa ले भनिन्। आफ्नो अनुभव, समर्पण र सेवाभावलाई मूल्यांकन गर्दै सदस्यहरूबाट साथ, सहयोग र समर्थन प्राप्त हुने विश्वस राखेकी छन्।
