नेपाली समाज टेक्सासको आगामी कार्यकाल (२०२६–२७) का लागि सचिव पदमा नारायण केसीले आफ्नो उम्मेदवारी घोषणा गरेका छन्। लामो समयदेखि समाजका विभिन्न गतिविधिमा सक्रिय रहँदै आएका केसीले समुदायबाट पाएको निरन्तर साथ–समर्थनले आफूलाई यो जिम्मेवारी लिन प्रेरित गरेको बताए।
उम्मेदवारी घोषणा गर्दै उनले समाजलाई “अझ पारदर्शी, व्यवस्थित र प्रभावकारी” बनाउने लक्ष्यसहित सर्वसाधारण सदस्यहरूबीच समन्वय र सहकार्य बढाउने प्रतिबद्धता व्यक्त गरे। समाजका समस्या तथा आवश्यकताहरू समाधान गर्न आफू सधैं अग्रसर रहने उनको भनाइ छ।
सचिव पदका उम्मेदवार केसीले आफ्नो प्रस्तावकको भूमिकामा साथ दिएका भिष्म मरासिनी र समर्थक बनेका दिपक भण्डारी प्रती आभार व्यक्त गर्दै आगामी निर्वाचनमा सबै सदस्यहरूलाई अमूल्य मत र सहयोगको अपील समेत गरेका छन्।
आदरणीय नेपाली समाज टेक्सास परिवार,
म नेपाली समाज टेक्सासको आगामी कार्यकाल (२६-२७) को लागि सचिव पदमा उम्मेदवारी दिएको कुरा यहाँहरू समक्ष जानकारी गराउन चाहन्छु।
लामो समयदेखि यस समाजका गतिविधिहरूमा सक्रिय रहँदै आउँदा यहाँहरूको साथ र सहयोगले मलाई यो महत्वपूर्ण जिम्मेवारी लिन प्रेरित गरेको छ। यदि मलाई सचिवको रूपमा काम गर्ने अवसर प्राप्त भयो भने, म समाजको हित र प्रगतिका लागि इमानदारीपूर्वक काम गर्नेछु र सबै सदस्यहरूलाई जोड्ने पुल बन्ने प्रयास गर्नेछु।
समाजका सबै कार्यक्रमहरूलाई अझ पारदर्शी, व्यवस्थित र प्रभावकारी बनाउनु मेरो मुख्य लक्ष्य रहनेछ। हाम्रा समुदायका समस्याहरू समाधान गर्नसम्म म सक्रिय भूमिका निर्वाह गर्ने प्रतिबद्धता व्यक्त गर्दछु।
मेरो प्रतास्बकको भूमिका निभाईदीने आदरणीय दाई Bhishma Marasini र समर्थक को भुमीका नीभाउनुहुने Dipak Bhandari दाई प्रती हार्दीक आभार ।
आउँदो निर्वाचनमा मलाई आफ्नो अमूल्य मत दिई विजयी गराइदिनुहुन हार्दिक अनुरोध गर्दछु।
तपाईंको अमूल्य मत, सुझाब , सल्लाह र सहयोगको अपेक्षामा,
नारायण के सी
सचिव पद उम्मेदवार,
नेपाली समाज टेक्सास
