टेक्सासमा जारी टि २० विश्वकप अन्तरगतको आजको खेलमा सुरुवाती चरणमा नै ३ विकेट गुमाउँदा नेपाली टिममा चुनौती थपिएको छ । टेक्सासको ग्रान्ड प्रियरी स्टेडियममा जारी खेलमा नेपालले नेदरल्याण्ड विरुद्धको खेलमा नेपालले लगातार ३ विकेट गुमाउँदा खेलाडीमा थप चुनौती सृजना भएको हो ।
टी–२० विश्वकपको नेदरल्यान्ड्सविरुद्धको खेलमा नेपालले आफ्नो तेस्रो विकेट गुमाएको पनि गुमाउँदा अनिल साहलाई गुमाएको हो । उनी १२ बलमा दुई चौकाको मद्दतले ११ रन बनाउँदै पेभेलियन फर्किएका हुन् । ७.४ ओभरमा उनी आउट हुँदा नेपालले ४० रन बनाएको छ ।
नेपालले आफ्नो पहिलो र दोस्रो विकेट गुमाएको थियो । ओपनर ब्याट्सम्यान आसिफ शेख ८ बलमा एक चौकाको मद्दतले ४ रन बनाउँदै आउट भएका हुन् ।
दोस्रो ओभरको अन्तिम बलमा आसिफ आउट हुँदा नेपालले केवल १० रन बनाएको थियो भने दोस्रो विकेटका रुपमा अर्का ओपनर कुशल भुर्तेल सात रन बनाउँदै आउट भएका थिए । ३.१ ओभरमा उनी आउट हुँदा नेपालले १५ रन बनाएको थियो ।
