सिडनी, अष्ट्रेलिया ।
सन् २०१८ मा स्थापना भई अष्ट्रेलियामा रहेका थारु समुदायबीच आपसी भाइचारा कायम गर्दै थारु कला, संस्कृति तथा चाडपर्वको संरक्षण र प्रवर्द्धन गर्दै आएको थारु सोसाइटी सिडनी, अष्ट्रेलिया ले यस वर्ष पनि छैटौँ पटक ‘थारु माघी महोत्सव’ आयोजना गर्ने भएको छ।
विगत पाँच संस्करणको सफल निरन्तरतासहित यस वर्षको माघी पर्व विविध सांस्कृतिक कार्यक्रमसहित सिडनीमा हर्षोल्लासका साथ मनाइने सोसाइटीले जनाएको छ। सोसाइटीका पब्लिक अफिसर अरुण आर्यन चौधरी का अनुसार कार्यक्रम आउँदो जनवरी १५, बिहीबार (थारु संवत् २६४९, माघ १/माघे सङ्क्रान्ति) का दिन साँझ ५ बजेदेखि राति १० बजेसम्म सिडनीको इन्द्रेणी फङ्सन सेन्टर, रकडेल मा आयोजना हुनेछ।
कार्यक्रममा लोकप्रिय गायक सविन चौधरी को विशेष सांगीतिक प्रस्तुति रहनेछ भने थारु रीतिरिवाज अनुसार लाठी नाच, झुमरा नाच, थारु र्याम्प, वाक लगायतका सांस्कृतिक नृत्यहरू प्रस्तुत गरिनेछ। साथै, थारु परिकार तथा खानपानको विशेष व्यवस्था पनि रहने आयोजकले जनाएको छ।
थारु सोसाइटी अफ अष्ट्रेलियाले उक्त कार्यक्रममा उपस्थितिका लागि सम्पूर्ण थारु समुदायसहित सबै नेपाली दाजुभाइ तथा दिदीबहिनीहरूलाई हार्दिक निमन्त्रणा गरेको छ। कार्यक्रमको प्रवेश शुल्क २५ अमेरिकी डलर तोकिएको छ।
कार्यक्रमसम्बन्धी थप जानकारीका लागि अरुण आर्यन चौधरी (0401 435 959) वा संस्थाका अध्यक्ष दीप नारायण चौधरी (0411 688 798) लाई सम्पर्क गर्न आयोजकले अनुरोध गरेको छ।
