काठमाडौं, २९ मंसिर । बुधबार औपचारिक रूपमा दक्षिण कोरियामा अमेरिकी सेनाले आफ्नो अन्तरिक्ष सेना बलको इकाइ सञ्चालनमा ल्याएको छ । यहाँ आफ्नो अन्तरिक्ष सेना बसालेसँगै अब अमेरिकाले उत्तर कोरिया, चीन र रुसमाथि झनै कडा निगरानी गर्न सक्नेछ ।

यद्यपि उत्तर कोरियाले हालैका महिनाहरूमा अमेरिकी मुख्य भूमि र यसका सहयोगीहरू दक्षिण कोरिया र जापानमा आक्रमण गर्न सक्ने क्षमताका आणविक बम बोक्न सक्ने ब्यालिस्टिक मिसाइलहरुको परीक्षण गरेकोछ ।अमेरिकाले सियोल नजिकैको ओसान एयर बेसमा अमेरिकी अन्तरिक्ष बल बसालेको हो ।