काठमाडौं । यस बर्षको तीज गीतहरु सार्बजनिक भए सङ्गै बिरोध प्रतिबन्ध आलोचना हुँदै गायिका एलिना चौहानको स्वर रहेको यस वर्षको पहिलो तीज गीत गम्किदे मादलु बोलको गीत लाई दर्शक हरुले औधी माया दिएका छन । गीतलाई अर्ग्यानिक लाख प्लसको भ्युज आएको छ । यो गीतमा अमेरिकामा रहेका दिदी बहिनीहरुको अभिनय रहेको छ जो सबै सामान्य दिदी बहिनी हुन । भिडियो हेरेर आएको प्रतिक्रिया पनि सबै सकारात्मक छ । निर्देशक पनि नया हुन । गीतका शब्द प्रसिद्ध गीतकार लोकराज अधिकारीले लेखेका हुन् । गीतको संगीत सरोज कोइरालाले गरेका हुन् भने संगीत संयोजन पुष्कर खत्रीले गरेका हुन् ।
रिपोटर्स क्लब अमेरिकाको प्रस्तुति रहेको गीतको मिक्सिङ कृष्ण पुनले गरेका हुन् । गीतको आवाज रेकर्डिङ अस्ट्रेलियामा रहेको नेपमेलो स्टुडियोमा गरिएको हो भने बाँकी काम नेपालमा रहेको म्युजिक बैंकमा गरिएको हो । रेकडिस्ट समीर आचार्य र विजय मगर हुन् ।
गीतको भिडियो छायांकन अमेरिकामा गरिएको हो । राजीव आचार्य र मनोज धितालले खिचेको भिडियोलाई राजु बस्नेतले सम्पादन गरेका हुन् । भिडियोलाई किशन रेग्मीले निर्देशन गरेका हुन् । भिडियो रिपोटर्स क्लब अमेरिकाको युट्युुब च्यानलबाट सार्वजनिक गरिएको हो । भिडियोमा कामना खरेल, सृष्टि शर्मा उप्रेती, लक्ष्मी ढुंगाना, सञ्जु घिमिरे संग्रौला, रीना कार्की र भूमिका ओझालगायतका अमेरिकामा रहेका नेपाली चेलीहरूको अभिनय छ । कोरियोग्राफी आशा ओझाले गरेकी हुन् । गीतकार अधिकारीले यसअघि पनि तीजको मौलिकपन बोकेको गीतहरू निकाल्दै आएका छन् । मौलिक गीत सार्बजनिक गर्ने उद्धेश्यले यो गीत सार्बजनिक गरिएको र केही दिन मा अर्को गीत रचना रिमालको स्वरमा रहेको तीज गीत सार्बजनिक गर्ने क्लबका अध्यक्ष समेत रहेका निर्माता रेग्मीले बताएका छन । मौलिकता माथीको प्रहार गलत भएको रेग्मीले बताए । भ्युजको पछि हैन सस्कारको पछि लागौ बिकृती हैन सके कृति थपौ रेग्मिले भने ।
