April 24 अर्जुन न्यौपाने,
अमेरिकमा सर्वाधिक नेपालीहरुको बसाइ रहेको राज्य टेक्सस् पछिल्लो समय नेपालीहरुको बसोबासका लागि पहिलो गन्तव्य बन्ने गरेको नेपालीहरुको जनघनत्वले पुष्टि गरेको छ। प्रत्यक्ष रुपमा नेपालबाट टेक्सस आउने र अन्य राज्यहरुबाट यहाँ आउनेको संख्या समान रहेको टेक्ससमा रहेका नेपाली संघ संस्थाका प्रतिनिधिहरु बताउँछन् । नेपालीहरु कहिलेदेखि यहाँ बसोबास गर्न शुरु गरेहोलान भन्ने जिज्ञासामा १९८० देखि नै नेपालीहरु बसोबास गरेको ईतिहास रहेको नेपाली समाज टेक्ससका महासचिव विजय भुसालले जानकारी दिनुभयो । घर बसोबास ,व्यवसायका लागि सहज, नेपालीहरुको अनेकतामा एकताको बलियो एकीकृत समुदाय र धार्मिक मन्दिरको परियोजनाले गर्दा नेपालीहरुको रोजाइ गन्तव्यमा टेक्सस पर्ने गरेको तथ्यमा भुसालले जोड दिनुभयो । टेक्ससमा मात्रै १ लाख भन्दा बढी ( अनुमानित) नेपाली जनसंख्या भईसकेको भुसालले बताउनुभयो ।
टेक्सासको DFW मेट्रो भित्र पनि साना – साना सिटिहरुमा नेपालीहरुको जनसङ्ख्या बढ्दो छ । पहिला युलेस र अरभिङ क्षेत्र नेपालीको रोजाई भएपनि अहिले फ्रिस्को, मिकिनि, फोर्नि, प्रानो, डेन्टन, फोर्टवर्थ , साउथ फोर्टवर्थ , केलर , ह्यासलेट नेपालीको मुख्य रोजाईको क्षेत्र बनेका छन । DFW मेट्रो नै २ – ३ घण्टाको ड्राइभिङ क्षेत्र ओगट्ने भएकोले अब नेपाली उल्लेखित भएका क्षेत्रमा नेपाली गातिविधि र कार्यक्रम लगाएत सामुदायिक कार्यक्रम गर्नु पर्ने देखिन्छ । युलेसमा नेपाली मान्दिर छ । अब NST वा मन्दिरले गर्ने कार्यक्रम र नेपाली कक्षाले मात्र डिमाण्ड पुरा गर्ने सक्दैन साथै यहाँ आँउन , बच्चा लाई नेपाली सिकाउनलाई तथा अन्य कार्यक्रमहरुमा सहभागिता जनाउनलाई २ /३ घण्टा DFW भित्रैबाट ड्राइभिङ गर्नु पर्ने भएकाले अरु साना सिटिमा पनि नेपाली कक्षा , र नेपाली कला – संस्कृति , चाडपर्व विशेष कार्यक्रम त्यहि गुर्न पर्ने आवश्यकता देखिन्छ । DFW भित्रका सिटिहरु जहाँ नेपालीको उल्लेखनीय बसोबास छ त्यहाँ नेपालीहरु स्थानिय रुपमै संगठित भएर आवश्यकता पर्दा संघ संस्था खोलेर स्थानीय रुपमै व्यवस्थित र नेपालीलाई आवश्यक पर्ने सामुदायिक भवन , नेपाली पाठशाला र हाम्रा चाडपर्व र संस्कार अनुसारका कार्यक्रम गर्ने आवश्यक सामाग्रि तथा सामुदायिक भवन निर्माणमा जग्गा खरिद गर्ने आजैबाट सोच्न पर्ने अवश्यकता रहेको NST सचिव तथा ह्यासलेट नेपाली समुदायका सक्रिय पुण्य पाण्डेले बताउनु भयो । टेक्सस अन्तर्गतका सिटीहरु मध्ये फोर्थवर्थ हेसलेट सिटीमा २०१९ देखि नेपालीहरु बसोबास गर्दै आईरहेको र प्रत्येक वर्ष अत्याधिक चापका साथ नेपालीहरु यस सिटीमा भित्रिने गरेको हेसलेट नेपाली कम्यूनिटीका संयोजक पाण्डेले जानकारी दिनुभयो ।
जहाँ जसको जनघनत्व बढ्छ त्यहाँ त्यस समुदायसँग सम्बन्धित भाषा ,धर्म,संस्कृति ,चाडपर्व रीतिरिवाज र परम्पराहरु पनि सँगै जोडिएर आउने गर्दछन् । नेपालीहरु विश्वका जुनसुकै देश र क्षेत्रमा छरिएर रहेतापनि आफ्नो धर्म र संस्कृतिलाई प्राथमिकतामा साथ दिएर रमाउने गर्दछन् । यिनै नेपाली मौलिकतामा रहेर ह्यसलेट कम्यूनिटीका कार्यक्रमहरु हुने गरेको पाण्डेले बताउनु भयो । कम्यूनिटीमा समय अनुसारका चाडपर्वमा जमघटहरु तीज कार्यक्रम, देउसी भैलो कार्यक्रम, खेलकूद ( विशेष गरेर भलिबल ) र प्रत्येक वर्ष आयोजना गरिने पारिवारिक पिकनिक कार्यक्रमले ह्यसलेट नेपालीहरुको छुट्टै विशेषता दर्शाएको ह्यसलेट निवासी भोला मैनाली बताउनुहुन्छ । नेपाली कम्युनिटीलाई भविष्यमा थप व्यवस्थित बनाउनका लागि बहुउद्देशीय योजनाहरु पनि बनिरहेको जसमा आफ्नै जग्गामा कम्युनिटी भवनका लागि पनि पहल बनाउँदै गईरहेको संयोजक पाण्डे जानकारी दिनुभयो । अहिले हामीले जग्गा मात्र जोडन सक्यौ भने भविष्यमा केही पुर्वाधार निर्माण गर्ने सकिन्छ । यसले स्थानीय समुदाय व्यवस्थित हुनका साथै कार्यक्रममा DFw को ट्राफिकमा लामो यात्रा गरेर युलेस नै पुग्नु पर्ने विस्तारै कम गर्ने सक्छ । अब समय आईसक्यो , नेपाली हरु जहाँ नगन्य मात्रामा छन त्यहाँ आफै जुटेर आफुलाई चाहिने पुर्वाधार र सामुदायिक कार्यक्रम गर्ने पाण्डेको विशेष जोड थियो । पूर्वाधारहरु जोडन सकियो भने कम्युनिटीमा हुने चाडपर्व अनुसारका कार्यक्रम, बच्चाहरुका कार्यक्रम लगाएत समुदायमा हुने नेपाली कार्यक्रमहरुका लागि सहज बन्न सक्छ । हालसम्म ख़ाना व्यवस्थापनमा आवश्यक पर्ने भाँडाहरु लगभग तयार भईसकेको , साँगितिक कार्यक्रमका लागि वाद्यवादनका सामान जुटाउँदै गईरहेको , खेलकूद सम्बन्धि सामग्री किनिएको पाण्डेले बताउनु भयो ।
